| 2011-05-24 3 el la 5 plej prestiĝaj universitatoj de Azio troviĝas en la ĉina urbo Hongkongo, kaj la ceteraj du respektive en Japanio kaj Singapuro, laŭ la freŝa rangordo de aziaj universitatoj, publikigita en lundo, la 23an de majo.
En ĉijara rangordo publikigita de la kariera kaj eduka reto QS, la Hongkonga Universitato de Scienco kaj Tekniko prenis la unuan lokon, superante la Universitaton de Hongkongo, dum la Nacia Universitato de Singapuro restas sur la tria loko. La Universitato de Tokio estas la kvara, kaj ĝin sekvas la Ĉinlingva Universitato de Hongkongo kaj la Seula Nacia Univesitato. Lokoj de la sepa ĝis la deka estas prenitaj de japanaj universitatoj. La Pekina Universitato de Ĉinio havas la 13an lokon kaj la Universitato Qinghua la 16an lokon.
Ben Sowter, ĉefo de la enketa agentejo QS, diris, ke la Hongkonga Universitato de Scienco kaj Tekniko kaj la Universitato de Hongkongo eminentas kiel internaciaj universitatoj. La Hongkonga Universitato de Scienco kaj Tekniko fariĝas pli forta en esploro kaj disvolvo.
(Redaktoro: Liu Zijia) |
