| 2011-06-10
Lasttage la Dandong-a Dekkvar-a Mezlernejo de la provinco Liaoning en nordorienta Ĉinio malfermis Esperantan kurson en la unua grado de la supera mezlernejo kiel nedeviga leciono. 26 lernantoj vizitis la kurson.
Li Yanqiu, vicprezidanto de la Dandong-a Esperanto-Asocio gvidis la kurson. En la unua leciono li rakontis al la lernantoj historion de Zamenhof kaj per la Esperanta disaŭdigo de la Ĉina Radio Internacia konigis al ili la prononcadon de la lingvo. Por lerni kaj praktiki la lingvon la lernantoj starigis la grupon per interkomunika softvaro rete. En 1998 la Liaodong-a Instituto funkciigis Esperantan kurson kun 6 lernopoentoj.
Redaktoro: Chen Ji
| 
