| 2011-06-14 Lunde, la 13-an de junio, Ĉina Konstrua Banko, la dua granda banko de Ĉinio, diris, ke ĝi planas emisii 80 miliardojn da juanoj da sekundaraj obligacioj por daŭro de almenaŭ kvin jaroj.
Deklaro de la banko al Ŝanhaja Biloborso diris, ke la emisio bezonas aprobon de akciuloj kaj reglamentantoj, inkluzive de la Ĉina Banka Reglamenta Komisiono. La kolektita mono replenigos la bankan kapitalon.
La banko diris en aparta deklaro, ke ĝi starigos tut-posedan komercan bankon kun la kapitala investo de 100 milionoj da usonaj dolaroj en San-Paŭlo, Brazilo.
En la fino de la unua kvarono de tiu ĉi jaro, la kapitala sufiĉeco de la banko atingis 12.45%, dume ĝia ĉefkapitala sufiĉeco estis 10.33%.
(Redaktoro: Liu Zijia) |
