| 2011-06-15 Marde, la 14-an de junio, la Ŝtata Administracio de Industrio kaj Komerco de Ĉinio diris, ke ĝi intensigos la kontrolon de manĝaĵoj, laktaĵoj kaj alkoholaĵoj vendataj sur la merkato en ruraj regionoj por certigi la manĝaĵan sekurecon dum la merkata cirkulado.
Wang Yuji, direktoro de la Reguliga Departemento por Merkata Cirkulado de Manĝaĵoj sub la administracio, diris, ke lokaj merkat-superrigardaj fakoj severe batos kontraŭleĝajn agojn, ekzemple vendon de falsaj manĝaĵaj produktoj kaj alkoholaĵoj, inkluzive de blanka kaj ruĝa vinoj.
Wang diris, ke koncernaj lokaj departementoj plifortigos la administradon super la cirkulo kaj registro de laktaj produktoj kaj strikte urĝos vendantojn de laktaj produktoj kontroli la kvaliton de la produktoj kaj ankaŭ la aŭtentikecon de la liverantoj.
Laŭ oficialaj donitaĵoj, superrigardaj departementoj pri industrio kaj komerco tutlande lanĉis la kontrolon al pli ol 8.5 milionoj da vendantoj de manĝaĵaj produktoj kaj pli ol 180,000 bazaroj en la unuaj kvar monatoj de tiu ĉi jaro. Entute 12,800 nelicencitaj vendantoj estis elpelitaj el la merkato.
(Redaktoro: Liu Zijia) | 
