| 2011-07-04
"Pli ol 10 milionoj da turistoj elektis preni trajnon funkciantan laŭ la Qinghai-Tibeta Fervojo por veturi al la Tibeta Aŭtonoma Regiono en sudokcidenta Ĉinio, de post ĝia lanĉo al la trafiko en la 1-a julio de la jaro 2006, " deklaris jaŭde la loka aŭtoritato.
"Sole en la jaro 2010 pli ol 6 milionoj da personoj vizitis la Tibetan Aŭtonoman Regionon, tio montras la kapablon de la Qinghai-Tibeta Fervojo en akcelo de turismado en la regiono," konigis Wang Songping, asistanta direktoro de la turisma buroo de la regiono.
En la jaro 2010, 42% de la turistoj, kiuj vojaĝis en Tibeto, veturis al la regiono per trajno, tamen en la jaro 2006 nur 26% de la turistoj vojaĝis al Tibeto per trajno, aldonis s-ro Wang Songping.
Laŭ s-ro Wang Songping, iuj turistoj elektis vojaĝi per trajno, ĉar la Qinghai-Tibeta Fervojo estas “la plej alta” de la mondo, pasante tra la montpasejo de la montaro Tanggula kun la altitudo de 5027 metroj super la marnivelo.
La Qinghai-Tibeta Fervojo kun longeco de 1 956 kilometroj, interligas Lhason, ĉefurbon de la Tibeta Aŭtonoma Regiono, kun Xining, ĉefurbo de la provinco Qinghai.
Laŭ la 12-a Kvin-jara Plano de disvolviĝo de la ĉinaj ekonomio kaj socio, la Qinghai-Tibeta Fervojo estos disvastigita kaj ludos la rolon pli gravan en la akcelo de turismado en la regiono.
(el http://french.news.cn/environnement/2011-06/30/c_13958526.htm)
Redaktoro: Wang Lihua
| 
