| 2011-07-04 La usona novaĵ-agentejo Associated Press (AP) baldaŭ malfermos filion en Pjongjango. Tio estas signifoplena paŝo, ke la okcidenta mediato ricevos pli da informoj pri la Korea Popoldemokratia Respubliko (KPDR).
La decido estas farita en la interkonsento subskribita de AP kaj la novaĵ-agentejo Korea Centra Novaĵ-Agentejo (KCNA) en Nov-Jorko, kiam administrantoj de KCNA vizitis Usonon en la lasta semajno.
Laŭ la novaĵ-komuniko publikigita en la retpaĝaro de AP, la filio estos la unua konstanta tekst-fota buroo funkciigata de okcidenta novaĵ-organizo en la ĉefurbo de KPDR.
Antaŭ kvin jaroj, Televida Novaĵo de AP, kiu havas sian ĉefstabejon en Londono, fariĝis la unua okcidenta novaĵ-organizo establi oficejon en KPDR.
AP kaj KCNA periode laboras por fari interkonsenton. En marto, Tom Curley, ĝenerala direktoro de AP, Kathleen Carroll, plenuma redaktoro de AP, kaj John Daniszewski, supera administra redaktoro por internaciaj novaĵoj de AP, vojaĝis al Pjongjango por diskuti pri la afero.
La du flankoj ankaŭ laboris kune pri ĵurnalistaj aferoj kaj aferoj pri foto-videa tekniko. La du agentejoj venontjare okazigos foto-ekspozicion en Nov-Jorko.
Fremdlandaj mediato-organizoj kiuj havas filiojn en Pjongjango estas nur ĉinaj novaĵ-agentejoj Xinhua kaj Popola Ĵurnalo, kaj la rusa ITAR-TASS.
(Redaktoro: Liu Zijia)
| 
