| 2011-07-05
Oraj moneroj, juveloj kaj multekostaj ŝtonoj kun valoro de miliardoj da usonaj dolaroj, elfositaj el hindua templo en Hindio, espereble plivaloriĝos. Lunde Hindio malfermis la lastajn du sekretajn kelojn sigelitajn preskaŭ 150 jarojn.
La malkovro tuj faris la 16a-jarcentan templon Sree Padmanabhaswamy la plej riĉa religia institucio en la lando, kaj tio instigas la registaron plisekurigi la templon.
La kvar keloj, malfermitaj en la pasintaj tagoj ĉe la templo en Trivandrum, ĉefurbo de la suda ŝtato Kerala, tenis trezoron, kiu valoras 22 miliardojn da usonaj dolaroj laŭ neoficiala takso.
Aliaj trezoroj elfositaj ĝis nun inkluzivas statuojn de dioj kaj diinoj faritajn el solida oro kaj ornamitajn de diamantoj, rubenojn, smeraldojn kaj aliajn valorajn ŝtonojn, kronojn kaj kolierojn, kaj ĉiuj estis donacitaj al la templo dum jarcentoj.
La templo, konstruigita de la reĝo, kiu regis super Travancore, restis sub la kontrolo de la antaŭa reĝa familio post la sendependiĝo de Hindio en 1947.
Antaŭ malkovro de la trezoro, ĉe la templo estis neniu alia sekureca rimedo, escepte de kelkaj lokaj sekurecgardistoj.
(Redaktoro: Liu Zijia)
| 
