| 2011-07-06
Ni havas la plezuron diskonigi la definitivan programon de nia triobla aranĝo en Sao Paulo, Brazilo, kiu okazos inter la 9-a kaj la 14-a de Julio 2011.
Karese nomata de LKK "Kongresego", ĝi konsistas el la samtempa kaj samloka okazigo de
- la 8-a Tutamerika Kongreso de Esperanto (de la Amerika Komisiono de UEA)
- la 46-a Brazila Kongreso de Esperanto (de la Brazila Esperanto-Ligo)
- la 31-a Brazila Esperantista Junulara Kongreso (de BEJO)
Ĉiu kongresano estas libera por viziti la programon de la aliaj kongresoj.
La 30-an de junio estis jam 391 aliĝintoj, 339 el ĉiuj regionoj de Brazilo kaj 52 el 16 aliaj landoj.
Dum la kongreso okazos KER-ekzamenoj, la Unua Esperanta Kinofestivalo "Filmoj sen Limoj", kursoj en la densa programo, kun vasta serio de prelegoj, kiujn faros 56 (!) kongresanoj.
Konsultu ĝin - kaj se vi estas kongresano antaŭplanu viajn elektojn - ĉe
http://bit.ly/TAKE2011.
(LKK-TAKE/BKE/BEJK 2011)
Redaktoro: Ivanka Stoyanova
| 
