| 2011-07-07 Sukcesan lernojaron ni finis en la Esperanto-urbo: en 3 lernejoj dekoj de lernantoj en la aĝo de 7-17 jaroj konatiĝis kun Esperanto, lernis la lingvon en fakultativa formo kun la helpo de volontulaj instruistoj Zsófia Kóródy, Otto Kern kaj Ewa Kukielka. Ni dankas al la multaj -- en kaj eksterlandaj -- vizitantoj, kiuj per sinprezentoj, rakontoj, kulturaj informoj, vivspertoj, prezentadoj, ktp., kontribuis al la lecionoj, instigis al lernado, helpis la lingvan evoluon de la lernantoj.
Ni partoprenis en kelkaj lokaj kaj internaciaj projektoj, ekhavis novajn korespondajn partnerojn, geamikojn kaj ĉeestis Esperanto-festojn, kunvenojn. Bona novaĵo estas, ke dank' al sponsoroj, 4 lernantoj povos partopreni en la Infana Kongreseto en Danlando.
Kore ni salutas ĉiujn gekolegojn, geamikojn kaj deziras ripozadon, belan, agrablan someran ferion!
Sube estas fotoj pri la sukcesa lernojaro!
(el Esperanto-urbo)
Redaktoro: Wang Lihua
|
