| 2011-07-12
La 6an de Julio 2011, la Ĉambro de Deputitoj de la Brazila Parlamento publikigis la favoran voĉdonon de Deputito Joao Bittar al la aprobo de la Leĝprojekto numero 6.162, de 2009, kiu enkondukas la instruadon de Esperanto en la Brazilan kleriga sistemon.
Deputito Joao Bittar rolas la findecidan proponanton pri la afero ene de la Komisiono pri Klerigado de la Brazila Deputitejo. Kutime la voĉdonantaj deputitoj ne kontraŭas la findecidan proponanton, kvankam ili rajtas tion fari. Ne estas ankoraŭ difinita dato por la voĉdona kunsido de la deputita komisionaro.
Tiu leĝprojekto, originale proponita de la Brazila Senatejo, jam estis tie aprobita antaŭ ĉirkaŭ unu jaro.
Raportis por Edukado.net Josias Barboza
(El edukado.net)
Redaktoro: Ivanka Stoyanova
| 
