| 2011-07-19
Temas pri staĝo por komencINToj.
De la 2-a ĝis la 9-a de oktobro 2011 okazos Internacia Paroliga Semajno en Herzberg am Harz, la Esperanto-urbo, Germanio.
Por kiu ? La celo de tiu staĝo estas konkreta uzado de la scioj lernitaj de komencintoj.
(Iom da freŝa historio) En la lastaj jaroj, FFEA, franca landa asocio de IFEF, sukcese okazigis staĝojn en 2 partoj. La unua parto estas staĝo en Francio, dum kiu la lernantoj eklernas Esperanton. La dua parto ĝis nun okazis en Ĉeĥio, per okazigo de "Internacia Paroliga Semajno", kiun povas partopreni ankaŭ NE-franc-parolantoj ĉar la kursoj okazas internaci-lingve.
Nepre atentu, ke tiu staĝo en Germanio celas komencINTojn.
Se vi interesiĝas, bonvolu trovi pliajn informojn el la inform-paĝo de la FFEA-retejo.
(El ifef.free.fr)
Redaktoro: Ivanka Stoyanova
| 
