Se vi havas telefonon kiu kapablas ruli Javo-programojn (la plej multaj koloraj telefonoj havas Javon) vi povas elŝuti la vortarojn de lernu! al via telefono.

    La jena tabelo montras la haveblajn vortarojn:

    Kiel instali la vortarojn?

    Provi sen instali: Vi povas provi vortaron de via komputilo. Klaku la ligilon provi dekstre en la tabelo (eble vi devas instali Javon unue - vizitu http://java.com).

    Sendrata instalo (J2ME): Direktigu vian poŝtelefonon al tiu ĉi paĝo kaj elektu la ligilon JAD. Vi eble devas pagi po megabajto kiun vi transferas al via telefono.

    Perkabla instalo (J2ME): Elŝutu la dosieron ZIP, elpaku kaj transferu tra kablo al via telefono.

    Android-telefonoj (ekzemple tiu de HTC): Instalu tra la Android Merkato - vidu malsupre.

    Aliaj: Vizitu http://dictionarymid.sourceforge.net/suppported.html por vidi la aktualan liston de aparatoj subtenataj.

    Kiun direkton elekti?

    Por multaj lingvoj ni disponigas ambaŭ direktojn. Vi elektu la direkton kiun vi plej ofte uzas. Ene de la programo eblas ŝanĝi direkton, tiel ke ekz. la Esperanto-germana povas esti uzata ankaŭ kiel germana-Esperanto-vortaro.

    Kelkaj telefonoj havas nur limigatan spacon. Por tiaj telefonoj vi konsideru la plej malgrandan en la disponeblaj direktoj.

    Kiel serĉi specialajn literojn?

    Por tajpi literojn kun supersigno aŭ simile (ekz. ĉ, ĝ, à, ł) vi simple tajpu la bazan varianton de la litero (ekz. c, g, a, l).

    Por ne-latinaj alfabetoj (kirila, japana, ĉina, araba, greka) via telefono verŝajne havas enigmetodon kiun vi povas uzi.

    Se via telefono nur kapablas skribi latinajn literojn vi povas, por la rusa, bulgara, japana kaj ĉina, transliterumi al la latina alfabeto. Tio ne eblas por la greka, araba, persa kaj hebrea (kontaktu Jacob se vi estas preta helpi pri tio).

    Se vi havas problemojn

    Raportu al Hokan LUNDBERG (hokan@ikso.net) kaj Jacob Nordfalk (jacob.nordfalk@gmail.com).

    Zorge kaj tute ekzakte priskribu kio estas la problemo kaj ekzakte kion vi faris por ke ni povu tutcerte kompreni (kaj reprodukti) la problemon.

    Por ĝenerala helpo pri la vortarprogramo vi vizitu http://dictionarymid.sourceforge.net/.

    Permesilo:

    Ĉi tiu verko estas libera programo; vi povas ĝin pludistribui kaj/aŭ modifi je la kondiĉoj de la GNUa Ĝenerala Publika Permesilo, eldonita de "Free Software Foundation", laŭ la versio 2 de tiu Permesilo aŭ, se vi preferas, ajna posta versio.

    Vortaroj por Android:

    La plej facila maniero estas malfermi la Android Merkato (Android Market) kaj serĉi DictionaryForMIDs.

    Por uzi Esperanton en la programo: Premu la MENUAN butonon kaj elektu Preferoj. Tie vi elektu Lingvo kaj Esperanto. Poste vi devas restarti la programon (ekzemple per malŝalto de la telefono).

    Post ke vi instalis DictionaryForMIDs vi devas instali vortarojn.

    1. Premu la MENUAN butonon kaj elektu Vortaro.

    2. Klaku sur la langeto Elŝuti

    3. Atendu ĝis la listo ŝarĝiĝas, poste klaku sur la vortaro kiun vi deziras instali. La Esperanto-vortaroj estas iom malsupre.

    4. Konfirmu la dialogon.

    5. La vortaro estas elŝutata kaj instalata en la malantaŭo. Dume vi povas daŭre uzi vian Android-aparaton. Kontrolu la sciigojn por statusaj ĝisdatigoj. Kiam la instalo finiĝis, la nova vortaro aperas en la listo de lastatempaj vortaroj.

    Notu: Depende de la rapideco de de via interreta konekto, instalo povas daŭri iom da tempo. Vi eble devas pagi po megabajto kiun vi transferas al via telefono.

Fonto: http://eo.lernu.net/lernado/elsxutajxoj/vortaroj.php

Redaktoro: Li Jianhua

• Konstruado de fervoja reto kun Lhasa kiel centro en preparado
• Paca disvolviĝo, elekto de Ĉinio
• Pekino, tradicia kulturo en moderniĝo
• Birdoprotektanto ĉe bordo de la Flava Rivero