| 2011-08-02
Taksioj sur strato de la urbo Ŝanhajo |
Ekde la unua de aŭgusto la prezo por taksioj funkciantaj en la urbo Ŝanhajo kreskis al 14 juanoj (ĉ. 6.5 juanoj egalas al unu usona dolaro) de la ekiro kaj tiu por la regionaj taksioj estas 12 juanoj. Kaj la softvaro de 49 mil taksioj funkciantaj en Ŝanhajo estis jam renovigita en la fino de la pasinta monato.
En junio la Ŝanhaja Komisiono por Disvolvo kaj Reformado okazigis kunvenon por aŭskulti opiniojn kaj proponojn el diversaj rondoj de la socio pri reguligo de la prezo de taksioj kaj la krompago por benzino kun la celo perfektigi la servon de la taksioj.
Pri la plano pri reguligo de la prezo de la taksioj, la ĉeestantoj de la kunveno plejparte opiniis, ke la krompago por benzino plej rekte reflektas la ŝanĝiĝon de la prezo de benzino, kaj inklinis al altigo de la prezo de ekiro de la taksioj.
La nova tarifo de la taksioj funkciantaj en la urbo Ŝanhajo difinis, ke la nova krompago por benzino estas manovrita de la taksilo ekipita en la veturilo, kaj sur la fakturo estas aparte montrataj la prezo de la veturado kaj la krompago por benzino.
Redaktoroj: Zhang Shuang kaj Wang Lihua
| 
