| 2011-11-14
La 12-an de novembro okazis en Havajo, Usono, la Pinta Kunveno de la Azi-Pacifika Ekonomia Kooperativo. Ĉina prezidanto Hu Jintao ĝin ĉeestis kaj faris parolon kun la titolo "Man-en-mane antaŭenmarŝi kaj kune krei la estontecon".
La pinta kunveno kun la temo "Redifini la estontecon" estas grava aktivado en la Neoficiala Pinta Konferenco de la Azi-Pacifika Ekonomia Kooperativo. En ĝi kolektiĝis pioniroj el la politika, industria kaj komerca rondoj. Ili diskutis pri la ekonomiaj problemoj de la nuna mondo.
En sia parolo prezidanto Hu Jintao elvolvis siajn opiniojn pri ekonomia disvolviĝo de la azi-pacifika regiono kaj pri tiu de la mondo. Li prezentis la politikon de Ĉinio kaj ĝiajn rimedojn praktikitajn en transformo de la ekonomia disvolva maniero, kaj antaŭvidis la ŝancojn alportotajn de Ĉinio al la industria kaj komerca rondoj de la azi-pacifika regiono en la Dekdua Kvinjara Plano de Ĉinio.
Redaktoroj: Liu Sigong k Chen Ji
| 
