| 2011-11-23
Ĉinaj kaj usonaj delegitoj ĉeestantaj la 22-an Kunvenon de la Ĉina-Usona Komuna Komisiono de Komerco |
| |
La 22-a Kunveno de la Ĉina-Usona Komuna Komisiono de Komerco |
La 21-an de novembro okazis en Chengdu, Sichuan-provinco de Ĉinio, la 22-a Kunveno de la Ĉina-Usona Komuna Komisiono de Komerco. La kunveno estis kune prezidita de Wang Qishan, ĉina vicĉefministro, John Bryson, usona ministro de komerco, kaj Ron Kirk, usona komerca reprezentanto.
La 20-an la dulandaj delegacioj ĉeestontaj la kunvenon aranĝis malgrandskalan interparolon kaj subskribis interkonsentojn pri ekonomiaj kaj komercaj kunlaboroj.
En la kunveno la du flankoj profunde interŝanĝis opiniojn pri komerco kaj investo, agrikulturaj produktaĵoj kaj iliaj kontrolado kaj kvaranteno, teknologio kaj normo, rajto pri intelekta proprietaĵo, duflankaj interŝanĝoj kaj kunlaboroj. La kunveno havas gravan rolon por grandigi la dulandajn reciprok-utilajn kunlaborojn, konservi sanan kaj stabilan disvolviĝon de la ekonomiaj kaj komercaj rilatoj inter Ĉinio kaj Usono, kaj plue antaǔenpuŝi la dulandajn interrilatojn.
La Ĉina-Usona Komuna Komisiono de Komerco fondita en 1983 estas unu el la altrangaj interkonsiliĝaj sistemoj de ekonomio kaj komerco plej frue fonditaj de Ĉinio kaj Usono. La sistemo jam fariĝis grava platformo inter Ĉinio kaj Usono por interkonsiliĝoj en komerco kaj investo.
Redaktoroj: Liu Sigong kaj Niu Xueqin
| 
