| 2011-11-25
Rektoro de la Pekina Universitato Zhou Qifeng (maldekstre) donas la atestilon pri honora profesoreco de sia universitato al Berdymukhamedov (meze) |
La 23-an de novembro en la Granda Popola Halo en Pekino la ĉina ŝtata konsilanto Liu Yandong ĉeestis la atribuan ceremonion pri la honora profesoreco de la Pekina Universitato al turkmena prezidanto Berdymukhamedov.
Liu Yandong diris, ke prezidanto Berdymukhamedov longtempe prizorgis kaj antaŭenpuŝis la kunlaborojn en diversaj kampoj inter la du landoj, kaj li faris gravan kontribuon al la dulandaj amikecaj kunlaboroj. Kiel atingoplena medicina fakulo prezidanto Berdymukhamedov meritas la atribuitan titolon de la Pekina Universitato. Tio enkorpigis la profundan amikecon de la ĉina popolo al prezidanto Berdymukhamedov kaj la turkmena popolo.
Berdymukhamedov diris, ke la Pekina Universitato estas fama ĉina altlernejo, kaj estas granda honoro por li ricevi la honoran profesorecon de la universitato. Tio montras la amikecon de la ĉina popolo al la turkmena. Li rigardos la titolon kiel gravan honoron kaj klopodos antaŭenpuŝi pluan disvolvon de la amikecaj kunlaboroj inter la du landoj. Li deziras, ke ĉinaj altlernejoj, inkluzive de la Pekina Universitato, fortigu interŝanĝojn kaj kunlaborojn kun turkmenaj sam-profesiuloj por fari novan kontribuon al la dulandaj amikecaj aferoj.
Redaktoroj: Liu Sigong k Chen Ji
| 
