| 2011-11-29
En la foirejo |
La 27-an de novembro fermiĝis la Kvina Tea Foiro, alinome Tea Festivalo de Wuyishan, kun la temo "Renkontiĝo en Wuyishan, Amikiĝo pere de Te-arto" kaj la celo disvastigi la tean kulturon kaj, profitante de la avantaĝo de la te-industrio de Fujian, fortigi la interŝanĝojn kaj kunlaborojn ĉe ambaŭ bordoj de la Taiwan-a Markolo .
Ĉijare la foiro akiris plenajn atingojn. Pli ol 600 entreprenoj kaj 1000 aĉetantaj kompanioj partoprenis la foiron, en kiu subskribiĝis kunlaboraj kontraktoj kun investo de 5.525 miliardoj da juanoj. La komercistoj kaj aĉetantoj havas komunan deziron, ke ili refoje venu al la foiro en la venonta jaro.
Laŭstatistike en la tritaga foiro pli ol 210 mil homfojoj vizitis la foiron kaj 150 mil homfojoj partoprenis la aktivadojn de Ĝoja Te-urbo.
Redaktoroj: Liu Sigong k Chen Ji
| 
