| 2011-12-07
Hua Jianmin (la tria de maldekstre), estro de la Ĉina Societo de la Ruĝa Kruco, vizitas 9-jaran malsanulon el Yunnan-provinco. |
La 4an de decembro en Pekino elhospitaliĝis 40 kardiopatio-malsanuloj kiuj ricevis operacion sub la helpo de la fondaĵo Anĝela Sunlumo subvenciita de la Ĉina Publika Fondaĵo de Loterio.
Oni kribris kaj diagnozis 239 suferantojn de denaska kardiopatio en Qinghai, Liaoning, Anhui kaj Guizhou, inter kiuj 25 el Qinghai atingis Pekinon kaj ricevos operacion en la Ĝenerala Hospitalo de la Ĉina Popola Liberiga Armeo kaj aliaj hospitaloj.
Helpi suferantojn de denaska kardiopatio kaj leŭkemio estas la ĉefa laboro de la projekto de la Fondaĵo de la Ruĝa Kruco de Ĉinio pri kuracado de gravaj malsanoj. En la jaro 2009 la fondaĵo ricevis subvencion de la publika loteria fondaĵo. Ĝis nun 4146 leŭkemio-malsanuloj kaj pli ol 500 kardiopatio-malsanuloj estis subvenciitaj, kaj pli ol 800 kardiopatio-malsanuloj estos subvenciitaj.
(Redaktoroj: Zhao Xi kaj Liu Zijia)
| 
