| 2011-12-12
Delegitoj el Ĉinio, Laoso, Birmo kaj Tajlando en la refunkcia ceremonio de la akvovojo sur Mekongo |
| |
Ĉinaj policanoj sin preparas por ekirado. |
La 10-an de decembro la unua patrola floto el Ĉinio, Laoso, Birmo kaj Tajlando al Mekongo ekveturis de la haveno Guanlei, samtempe ekiris 10 ĉinaj kargoŝipoj. Tio signifas la tutflankan refunkcion de tiu internacia akvovojo sur Mekongo post la akcidento en la 5-a de oktobro, en kiu du ĉinaj kargŝipoj estis atakitaj de armitaj personoj en mekongaj akvoj, 13 ĉinaj ŝipistoj mortis. Post tio por konservi la sekurecon de ŝipistoj paŭzis la transportado sur la rivero.
La akvovojo sur Mekongo lanĉita en 2001 estas grava akvovojo interliganta ekonomiajn kunlaborojn de Ĉinio, Kamboĝo, Vjetnamio, Laoso, Birmo k. a., kaj estas ankaŭ unu el la gravaj trapasejoj inter Ĉinio kaj libera komerca regiono de la Asocio de Sudorientaj Aziaj Landoj.
La ministro-nivela kunveno pri kuna patrolado inter Ĉinio, Laoso, Birmo kaj Tajlando okazinta inter la 25-a kaj la 26-a de novembro decidis, ke ekde la mezo de decembro la kvar landoj komencas kunan patroladon en la mekonga baseno.
Redaktoroj: Zhao Xi k Chen Ji
| 
