| 2011-12-16
Blankaj gruoj ĉe Poyang-lago |
La 12an de decembro informis administracio pri protektado de migrantaj birdoj en Jiangxi-provinco, Ĉinio, ke monitor-stacioj de naŭ lagoj en la naturparko de Poyang-lago observis, ke miloj da gruoj vintrumas en marĉejo de la lago, nomata "lando de gruoj".
La ŝtatnivela naturparko de Poyang-lago estas grava internacia biodiverseca marĉejo kaj plej granda vintrumejo en Azio por migrantaj birdoj. En la rezervejo vivas 310 specoj de birdoj. El ili 11 specoj apartenas al la unuaklasa kategorio sub la ŝtata protekto: blanka gruo (Grus leucogeranus), blankkapa gruo (Grus monacha), orienta cikonio (Ciconia boyciana), nigra gruo, ĉina mergo (Mergus squamatus), granda orido (Otis tarda), kaj la ceteraj 40 specoj apartenas al la duaklasa kategorio sub la ŝtata protekto: tundra cigno (Cygnus columbianus), blank-nuka gruo (Grus vipio), ordinara gruo (Grus grus), cigna ansero (Anser cygnoides), kaj eŭrazia plataleo (Platalea leucorodia). Nun tie travintrumas pli ol 3 mil diversspecaj gruoj.
(Redaktoroj: Zhao Xi kaj Liu Zijia)
|
