| 2011-12-19
Esplorantoj manipulas sur la ferdeko por meti la sismografon al la maro |
La 17-an de decembro la 28-a scienca ekspedicio de Ĉinio al Antarkto sukcese metis la sismografon OBS en la marfundo de Prytz-golfo de la kontinento. Kan Guangming, unu el la agantoj de la programo, laboranto de la Unua Oceana Instituto sub la Ŝtata Oceana Administracio de Ĉinio, diris, ke la submara sismografo konsistas el sismomezurilo, registrilo kaj malhokilo. La sismomezurilo formita el sensoroj ludas rolon transformi la sismajn ondojn en elektronikajn signojn, tiujn signojn kolektas kaj konservas la registrilo.
Esplorantoj per malhokilo reprenas la sismografon, kaj ellegis la datenojn el la registrilo por bone koni la sismojn en la ĉeftero de Antarkto kaj tiuj en ĝiaj najbaraj akvoj. La esploro estas utila al la konado al la antarktaj akvoj kaj ĝiaj profundaj geologia strukturo kaj evoluado. Tio estas unua fojo por Ĉinio meti sismografojn en la marfundo de Antarkto, laŭplane esplorantoj metos du tiajn aparatojn en tiu regiono.
Redaktoroj: Liu Sigong k Chen Ji
| 
