| 2011-12-27
Mondo de glacio kaj neĝo |
La 25-an de decembro inaǔguriĝis en la urbo Manzhouli de la Aǔtonoma Regiono de Interna Mongolio en norda Ĉinio la 13-a Ĉina Manzhouli-a Internacia Glacia kaj Neĝa Festivalo de Ĉinio, Rusio kaj Mongolio.
La festivalo kun la temo "Ĝui glacion kaj neĝon en Manzhouli" prezentas ĉefe glaci-neĝan artan stilon de la tri landoj. En ĝia ĉeftema zono staras 276 skulptaĵoj el glacio kaj el neĝo.
Eksterdomaj sportoj kaj sportoj sur glacio kaj neĝo estas nemankigeblaj du gravaj elementoj de la ĉi-foja festivalo. Krom vintran fiŝkaptadon ĉe la lago Hulun la organizanto de la festivalo aranĝos ankaŭ glacihokean konkurson inter ĉinaj kaj rusaj junuloj, amuzan konkurson sur glacio kaj aliajn sportajn konkursojn kun apartaj trajtoj por disvastigi sportojn sur glacio kaj neĝo, akceli interŝanĝojn inter ĉinaj kaj rusaj junuloj kaj amikecon inter najbaraj regionoj.
Redaktoroj: Liu Sigong kaj Niu Xueqin
| 
