| 2012-03-27
|
Francaj volontuloj en ludo de vorto-diveno |
La 25an de marto francaj volontuloj venis al la kinejo Xinmu por partopreni en la aktivado nomata "se mi havus tri mallumajn tagojn".
La aktivado kiel projekto estas iniciatita de Hongdandan-a Centro por Edukaj kaj Kulturaj Interŝanĝoj por alvoki amzorgon kaj helpon de la socio al blinduloj, kaj Xinmu estas la unua kinejo en Ĉinio, kiu spektebligas al blinduloj filmojn per rakontado. Partoprenantoj de la aktivado povas percepti la blindulan mondon, kaj pli bone koni ilin post spertado de la blindula vivo. La franca volontularo estas la unua eksterlanda grupo, kiu partoprenis en la aktivado. Zheng Xiaojie, respondeculo de la kinejo Xinmu, esperas, ke la volontuloj diskonigos la projekton en Francio.
(Redaktoroj: Liu Sigong kaj Liu Zijia)
| 
