Tio estas sistemo, lau kiu la china registaro donas garantion pri vivbezonajhoj al malrichaj maljunuloj, orfoj kaj kripluloj. Por garantii la interesojn de tiuj specialaj grupoj de malrichuloj Chinio publikigis "Leghon de la China Popola Respubliko pri garantio de la rajtoj kaj interesoj de maljunuloj", "Leghon de la China Popola Respubliko pri garantio de la rajtoj kaj interesoj de kripluloj" kaj "Regulojn pri vivteno de la kvinspecaj kamparanoj"*, kiuj difinis, ke la registaro kolektive vivtenas la gevidvojn, kriplulojn kaj orfojn en la urboj konformajn al la koncernaj kondichoj, kolektive au dise vivtenas la samajn homojn en la kamparo. Ghenerale oni kolektive vivtenas la supre menciitajn homojn en sociaj bonstatigaj institucioj, maljunulejoj, sanatorioj kaj orfejoj. Oni funkciigas bonstatigajn entreprenojn por kripluloj ghuante la favorajn politikojn de la registaro.

* La kvinspecaj kamparanoj estas kamparaj grandaghuloj, malsanuloj, grandaghaj vidvoj kaj vidvinoj kaj orfoj. La registaro garantias iliajn manghajhojn, vestojn, loghejojn, kuracon kaj sepultan elspezon.