Chinio
estas unu el la landoj kun plej granda loghantaro de la mondo. La
Kvina Tutlanda Censo en 2000 informis, ke Chinio havas 1295.33 milionojn
da loghantoj, chirkau 22% de la tuta loghantaro de la mondo. La
meznombra loghantara denseco en chiu kvadrata kilometro estas 130,
sed malegale: en la orienta marborda regiono en chiu kvadrata kilometro
loghas pli ol 400 homoj, en la meza parto de la lando - 200 homoj,
kaj sur la okcidentaj altebenajhoj - malpli ol 10 homoj. Jene estas
la konsistoj de la china loghantaro:
30.4% de la loghantaro
en la urboj, 69.6% en la kamparo; |
50.8% - viroj, 49.2%
- virinoj; |
25.7% en agho de
malpli ol 14 jaroj, 67.6% en agho de 15-64 jaroj, |
|
6.7% en agho de pli
ol 65 jaroj. |
Che sia fondigho la nova Chinio nombris 541.67 milionojn
da loghantoj. Dank' al la paca situacio de la socio, la progreso
de ekonomio kaj plibonigho de medicinaj kaj higienaj kondichoj,
samtempe ankau pro manko de necesa atento al naskolimigo, la loghantaro
de Chinio atingis 806.71 milionojn en 1969. En la 70-aj jaroj la
china registaro pli kaj pli klare konis, ke tro rapida kresko de
loghantaro estas malutila al ekonomio kaj socia disvolvigho kaj
malfaciligas enoficighon, loghadon, trafikon kaj kuracon de la popolo.
Se oni ne povos efike regi la tro rapidan kreskon de la loghantaro
kaj kontentigi la grandan bezonon, kauzitan de kreskado de la loghantaro,
pri tero, arbaro kaj akvo, do neevitebla estos malbonigho de ekologio
kaj medio en la venontaj dekoj da jaroj. Tio certe minacos la minimumajn
kondichojn por ekzistado de la popolo kaj la dauran disvolvighon
de la socia ekonomio. Ghuste pro tio la china registaro decidis
praktiki la politikon limigi naskon, regi kreskadon de la loghantaro
kaj altigi la kvaliton de la loghantaro, por akceli akordan disvolvighon
de la loghantaro, ekonomio, socio, richfonto kaj medio. Dank' al
tiu politiko jaro post jaro malrapidighis kreskado de la loghantaro.
La kvina censo raportis, ke dum la 10 jaroj de la kvara censo en
1990 ghis la kvina en 2000, la loghantaro kreskis je 132.15 milionoj,
meznombre je 1.07% chiujare, 4 pocentojn malpli multe ol tiu de
la 80-aj jaroj. Tio montras, ke la naskolimiga politiko de Chinio
rikoltis evidentan sukceson.
Shanghighoj
de la china loghantaro
|