Se vi unuafoje vizitas Pekinon, kredeble la de vi vidita Pekino estos tute diferenca de tiu, kiun vi imagis.

Kiel chefurbo de 5000-jara orienta lando, eble Pekino tre profunde impresis per sia antikva civilizacio, tial preskau chiuj fremdlandanoj surprizighis, kiam ili unuafoje surterighis en Pekino, char la nuna Pekino montrighas ankau moderna kaj internacia.

Se vi revizitos Pekinon post kelkaj jaroj, au, post nur kelkaj monatoj, vi miros ankau pro ghia shanghigho. La larghigataj stratoj, la starigataj domegoj kaj la nove funkcianta metroo-linio ktp. montras rapidegan disvolvon de la urbo.Antaue la chiujare eldonita mapo de Pekino sufiche kontentigis bezonon de homoj. Nun pro plivastigo de la urba areo, starigo de novaj urbetoj kaj etendigho de autobusaj linioj, oni devas presi novan mapon en chiu malpli ol monato. Ekz., en Pekino trovighas pli ol 100 autovojaj trefkrucighoj; en la pasintaj dek jaroj oni konstruis averaghe 10 tiajn trefkrucighojn chiujare.

Kiel simbolo de brilaj historio kaj kulturo, senshanghaj estas la bone konservataj antikvaj restajhoj: la Imperiestra Palaco, la Chiela Altaro, la Somera Palaco, Beihai-parko, la Granda Muro kaj la princa domo Gongwangfu.

Kompreneble tradicio restas ankau en la vivmaniero de pekinanoj. Kiam kolomboj flugas tra la matenkrepusko, la promenantoj kunportantaj birdojn, la jangge-dancantoj kaj la tajghichjuan-ekzercantoj formas la plej charman pejzaghon sur la pekina strato; kiam la mondfamaj modaj vestoj sinsekve lokighas en Pekino, la chinstila vesto gvidis modofluon de la Pekino en 2001; kiam la itala Pizza, la usona McDonald kaj la Moskva Restoracio allogas pli kaj pli multajn manghantojn, ankorau multe vizitataj estas la restoracioj de rostita anaso kaj shafajho, kaj tiuj de Sichuan-, Guangdong- kaj Shandong-gastronomioj; apenaueklumas lampoj che la fama "bufedeja strato" en la ambasadoreja distrikto, en la chestrataj ghardenoj jam ekkantas la amatoroj de pekina opero...

Jen la nuna Pekino, kie antikvo kaj moderno, nacieco kaj internacieco harmonie kunestas.