| 2012-04-11
La elterigitaj antikvaj restaĵoj kaj la klifa tombo de la dinastio Orienta Han |
En la 9-a de aprilo antikva bronzaĵo estis elterigita el la klifa tombo de la dinastio Orienta Han (25-220) en konstruejo en Leshan de la provinco Sichuan en sudokcidenta Ĉinio.
Tiutage, kiam unu el la fosmaŝinoj laboris en la konstruejo, hazarde vidiĝis klifa tombo de la dinastio Orienta Han kun la longeco de 10 metroj kaj la areo de 30 kvadrataj metroj.
Arkeologoj diris ke, la kunentombigitaj objektoj en la tombo nepriŝtelita estas sufiĉe bone konservitaj, kaj havas grandan valoron por esplorado.
Arkeologoj el la Leshan-a Oficejo por Protektado de Historiaj Restaĵoj ordigis la elterigitajn ceramikaĵojn, feraĵojn, monerojn, kaj pecon da bronzaĵo. Laŭ konigo de koncerna laboranto, ĉi tio estas la unua bronzaĵo elterigita el la klifaj tomboj de la loko. La arkeologoj unuapaŝe konstatis, ke la bronzaĵo estas ujo por enmeti manĝaĵojn.
Ĝis nun, oni ankoraŭ ne scias kiu estas posedanto de la tombo, kaj daŭras la laboro pri ordigo de la elterigitaj objektoj surkampe.
Redaktoroj: Zhang Shuang kaj Xie Ruifeng
| 
