Kongresejo
Svenska
Massan (Massans gata, SE-412 94, Gotenburgo, Svedio) estas moderna
kaj multfunkcia kongresejo proksime de la urbocentro kaj de multaj
hoteloj, facile atingebla de la flughavenoj, bushaltejo kaj de
la publika transporto.
Loka
Kongresa Komitato
Jam
de du jaroj funkcias provizora LKK, gvidata de Roland Lindblom,
kiu jam duan fojon prezidas LKK (Stokholmo 1980 kaj nun). Aliaj
membroj: Christer Lornemark, vicprezidanto, informado;
Andreas Nordstrom, sekretario, kongresejo, loghigo, Nacia Vespero;
Siv Burell, vicsekretario, Infana Kongreseto, Nacia Vespero;
Ali Khoshmashraban, kasisto, komercaj aranghoj; Britta
Rehm, vickasisto, ekskursoj; Margareta Andersson, diversaj
taskoj; Anna-Lena Eriksson, junularaj aranghoj; Lovisa
Gustafsson, junularaj aranghoj; Kaisa Hansen, kongresejo;
Inga Johanson, loghigo, amasloghejo; Christer Kiselman,
sciencaj aranghoj (rektoro de IKU); Franko Luin, informado;
Aino Aberg, ekskursoj, Infana Kongreseto.
Korespondado
Kongresanoj
bonvolu ne skribi rekte al LKK, sed chiam al la Kongresa Fako
de UEA, che la Centra Oficejo de UEA, en Roterdamo. LKK mem ne
povas respondi individuajn informpetojn de la kongresanoj. Bv.
ankau neniam skribi al la Kongresejo mem.
Informado
Diversaj
informoj pri la kongreso aperis jam en la Unua Bulteno kaj en
la retpaghoj de UEA (www.uea.org). En la kongresaj retpaghoj regule
aperados la plej freshaj prikongresaj novajhoj chiumonate. Kongresaj
informoj aperas ankau en la revuo Esperanto kaj en pluraj aliaj
E-revuoj, kaj de tempo al tempo en la programoj de iuj radio-elsendoj
en E-o (Varsovio, Vieno k.s.). Se vi bezonas iujn pli specifajn
informojn, bv. ne heziti peti ilin che la Kongresa Fako de UEA.
Unua Bulteno
Tre
bela kaj informplena kolora broshuro kun detala urbomapo, kun
multaj utilaj detaloj, estas dissendita al chiuj individuaj membroj
de UEA, kongresaj perantoj kaj la landaj asocioj. La Centra Oficejo
de UEA sendos ghin volonte kaj senpage ankau al via grupo au loka
klubo, tuj post la akcepto de via peto. Se vi organizas iun E-aranghon,
la Unua Bulteno estas la plej tauga enmetajho en la dokumentujon
de via arangho: bv. tiam peti pli grandajn kvantojn.
Kongresa
Afisho
Bela
kolora kongresa afisho (A1) estas havebla che la Centra Oficejo,
kontrau pago de sendokostoj (3 EUR).
Glumarkoj
La
kongresa glumarko estas ideala surgluajho por viaj kovertoj, dum
tiu chi gotenburga jaro. Mendeblaj che la Libroservo de UEA (1
folio kun 12 markoj) kontrau 1,2 EUR (plus la sendokostoj).
Loghado
kaj ekskursoj
Fine
de la jaro aperos la Dua Bulteno kun detala oferto de hoteloj,
ekskursoj, antau- kaj postkongresoj kaj diversaj aliaj servoj.
Oni povos elekti inter diversaj variantoj kun vasta gamo da prezoj
por chies bugheto. Pri la detaloj bv. sekvi la informojn en la
reto kaj en la revuo(j).
Infana
kongreseto
Okazos
en kabanaro, en bela apudlaga loko, meze de naturo sed ja proksime
de Gotenburgo. Infanoj E-parolantaj, 3-13 jaraj, estas bonvenaj.
Deatalaj informoj kaj alighoj che: Stefan MacGill, Bethlen G.
u.2, HU-2030 Erd (Stefan.MacGill @ galamb.net).
Vojagho
Gotenburgo
havas du flughavenojn, kaj estas bone ligita kun la tuta mondo.
(Bv. noti: la biletoj al Gotenburgo ofte povas kosti signife malpli
ol al Stokholmo!). Krome la urbo estas perfekte atingebla ankau
trajne kaj aute (tra la pontego el Danlando kaj lautere el la
cetero de Skandinavio). La skandinava flugkompanio SAS, kunlabore
kun la tutmonda flugkompania reto Star-Alliance, planas proponi
specialajn tarifojn por la kongresanoj (pli da informoj jarfine
en la retpaghoj de UEA kaj en la Dua Bulteno).
Alighoj
Chiuj
individuaj membroj de UEA kaj la kongresaj perantoj ricevis la
alighilojn. Vi povas ankau aparte peti ilin. La alighilo estas
trovebla ankau en la reto PDF-formate (http://www.uea.org/kongresoj).
Eblas ankau alighi rete.
Kotizoj
Ghis
la jarfino (parenteze sumoj por B-landoj): Individua membro de
UEA (IM) 150 (115), ne-IM 190 (140); IM-junulo/kunulo/komitatano/handikapito
75 (60); ne-IM junulo ktp. 115 (85). Pri la pagmanieroj kaj difinoj
de la kategorioj bv. konsulti informojn en la Jarlibro au en la
TTT-paghoj.
(UEA)