La
estraro de UEA nomumis Trevor Steele Aganta Ghenerala Direktoro
por 2002. Steele (nask. 14 majo 1940, Mareeba, Australio) estas
vaste konata kiel instruisto kaj kiel unu el niaj plej bonaj verkistoj.
Li akceptis la defion restarigi kunlaboran etoson en UEA kaj tutmovade
kaj ekoficas la 1-an de januaro 2002 en Roterdamo.
La
Estraro nomumis redaktoro de la revuo "Esperanto" por
la jarkolekto 2002 Stano Marcek (nask. 5 jan. 1953, Slovakio).
Marcek, konata kiel diverskampa aktivulo, havas multjaran redaktan
sperton che pluraj revuoj landaj kaj internaciaj (laste "Heroldo").
Li faras sian laboron en Slovakio. (<marcek@esperanto.sk>)
Ambau
nomumoj estas por la transira jaro 2002, dum kiu la Oficeja Komisiono
plu serchos kandidatojn por pli longtempaj kontraktoj por ambau
postenoj.
(El
"Esperanto")
La
antaua estraro de UEA akceptis du kandidatojn por la fina elekto
de la urbo de la 89-a Universala Kongreso de Esperanto en la jaro
2004. Temas pri la chefurboj de Chinio kaj Litovio, Pekino kaj
Vilnius, inter kiuj la nova estraro decidos en januaro 2002.
Osmo
Buller, ghenerala direktoro de UEA, vizitis en septembro ambau
urbojn por esplori la kondichojn por la okazigo de UK. Malfacila
elekto atendas la estraron, char tiel pozitivajn impresojn Buller
ricevis kaj en Pekino kaj en Vilnius. Kontentigaj estas ne nur
la fizikaj kondichoj, t.e. la disponeblo de taugaj ejoj por la
UK, de suficha loghiga kapacito en chiuj prezkategorioj kaj de
granda vario de ekskurs-eblecoj.
Rimarkindas
krome, ke en ambau landoj la pozitiva sinteno de autoritatoj iras
larghe preter la naturan deziron gastigi amason da alilandanoj,
kiujn granda kongreso kiel UK alportus.
Krom
de multaj altranguloj de urbaj, turismaj k.a. instancoj, Buller
estis akceptita ankau de shtataj eminentuloj. En Pekino lin akceptis
i.a. s-ro Cai Mingzhao, vicministro pri informado. Li renkontis
ankau la prezidanton de la societo Amikoj de Esperanto, s-ron
Chai Zemin, kiu siatempe servis kiel la unua ambasadoro de Chinio
en Usono, kaj la faman lingviston kaj membron de la Honora Patrona
Komitato de UEA, prof. Chen Yuan.
En
Litovio la ghenerala direktoro de UEA estis akceptita de la prezidento
de la respubliko, s-ro Valdas Adamkus, kun kiu la interparolo
fine dauris duonan horon anstatau la planitaj 15 minutoj. Apartajn
rendevuojn Buller havis kun la ministroj pri eksteraj aferoj,
pri edukado kaj scienco, kaj pri kulturo. Li estis akceptita ankau
de la vicprezidanto de la parlamento, s-ro Ceslovas Jursenas,
k.a. eminentuloj. Radio, televido kaj gazetaro multe raportis
pri la vizito.
En
Chinio, kie li restadis de la 5-a ghis la 14-a de septembro, Buller
vizitis ankau la urbojn Xi'an, Hangzhou, Suzhou kaj Shanhajo,
kaj renkontis lokajn aktivulojn. En Litovio li estis de la 24-a
ghis la 28-a de septembro. Krom Vilnius, li vizitis ankau Kaunas,
kaj prelegis en ambau urboj al lokaj esperantistoj.
(Gazetaraj
komunikoj de UEA N-ro 135)
Rilataj
materialoj:
Osmo
Buller en Pekino
Osmo
Buller prelegis en Pekino
Osmo
Buller vizitas Chinion
Cai
Mingzhao intervidighis kun Osmo Buller
De
1949 ghis 1974 konstanta programero en chiu UK estis la oratora
konkurso por la junularo, aranghata lau regularo redaktita de
prof. Ivo Lapenna. Ekde 1960 la gajninto de la unua premio ricevis
pokalon donacitan de prof. Lapenna.
La
prezidanto de UEA, Kep Enderby, lanchis la ideon restarigi la
konkurson, kaj la Estraro decidis reokazigi ghin en Zagrebo: unuafoje
kiel provon, lau la malnova regularo (krom ke la supera aghlimo
por konkursantoj estos 30 jaroj, la nuna aghlimo de TEJO). La
tri monpremioj egalos al tiuj de la Belartaj Konkursoj. Pri aliaj
detaloj la Estraro decidos en sia aprila kunsido.
(el
"Esperanto")
UNIVERSALA
ESPERANTO-ASOCIO