A. Oni devas movi tiun pecon, kiun oni jam tushis, kaj repreni la movitan pecon estas     malpermesite.

B. Templimigo: Ghenerale shakludo estas sentemplima, sed en konkurso chiu el la du partioj     devas fari minimume 30 movojn en unu horo kaj poste almenau 10 movojn chiudekminute.

C. La malpermesitaj movoj:

1. Senchesa shakigo: la rugha charo ripete movighas dekstren kaj maldekstren por shakigi la nigran generalon (Vd. Bildon 1). Tia ripeta shakigo estas malpermesita. Se la rugha partio ne shanghas la movojn, ghi perdas la ludon. Fakte la rugha partio en bildo 1 povas fari neniun alian movon kaj sekve perdas la ludon.

2.Senchesa shakigo por matigo en sekva movo: (Vd. Bildon 2) la rugha charo iras du pashojn maldekstren por shakigi kaj la nigra generalo iras unu pashon maldekstren. Poste la rugha charo denove iras du pashojn dekstren por matigi la nigran generalon en la sekva movo, kaj la nigra generalo povas nur denove iri unu pashon dekstren. Tiaj ripetaj movoj nomighas "senchesa shakigo por matigo en sekva movo" kaj estas malpermesitaj. La rugha partio devas shanghi la movojn, alie, ghi perdas la ludon.

3. Senchesa kapto: (Vd. Bildon 3) la rugha partio povas fari senchesan kapton dumaniere: la rugha soldato movighas dekstren au maldekstren por kapti la nigran charon, kaj la nigra charo movighas maldekstren au dekstren por esti ne kaptita, tiaj ripetaj movoj de la rugha soldato apartenas al "senchesa kapto" kaj estas permesataj. Se la nigra charo ne shanghas la movojn, estighas egaligho; la rugha generalo iras dekstren au maldekstren por kapti la nigran kanonon, kiu iras dekstren au maldekstren por esti ne kaptita. Ankau tiaj ripetaj movoj de la rugha generalo apartenas al "senchesa kapto" kaj estas permesataj. Se la nigra kanono ne shanghas la movojn, estighas egaligho.

Ch. Gajno kaj perdo: mato de generalo, ne plu farebla movo, konfeso de perdo, foruzo
    de difinita limtempo, faro de malpermesitaj movoj pli ol 3-foje kontinue, en unu el tiuj kvin     okazoj oni perdas ludon kaj la alia partio gajnas.

D. Egaligho: neniu el ambau partioj havas eblecon de gajno; ambau partioj volas pacighi;     ambau faras malpermesitajn movojn kontinue, ne shanghante movojn.