Char la posta movfaranto estas pasiva en formaciigo, li devas apliki formacion respondan al tiu de la antaua movfaranto. Jen ok formacioj ofte uzataj de la posta movfaranto:

    A. Chevala ekrano: Movi la chevalon sur la 2-a linio antauen al la 3-a au tiun sur la 8-a al la 7-a. Tia arangho ebligas kapti shancon por kontrauataki en defendo, ghi estas ofte uzata kaj plej varia formacio kontrau la atako de la antaua movfaranto.

    B. Samflanka kanono: Kiam la antaua movfaranto movas la kanonon sur la 2-a linio maldekstren al la 5-a, la posta movfaranto movas la kanonon sur la 8-a linio dekstren al la 5-a, por formi kontrauatakan staton. Tio estas plej antikva formacio en la china shako. Ghi, kun granda kontrauataka forto, povas aliformighi en formacion de chevala ekrano au tiun de palaco-angula kanono kaj povas ankau turnighi de atako en defendon, sed unu mismovo kondukas al malvenko.

    C. Kontrauflanka kanono: Se la antaua movfaranto movas la kanonon sur la 2-a linio maldekstren al la 5-a, la posta movfaranto movas ankau la kanonon sur la 2-a linio al la 5-a. Tion oni nomas arangho de kontrauflanka kanono. Per tia arangho ambau ludantoj koncentras sian forton en unu flankon por ataki, samtempe lasante sian alian alon facile ataki la rivalon. Kvankam tia arangho rolas same kiel tiu de la samflanka kanono, tamen al ghi mankas fleksebleco, chiuflankeco kaj varieco kompare kun tiu de la samflanka kanono kaj ghi ofte kauzas malvenkon. Tial lertaj shakludantoj malofte uzas ghin.

    Ch. Chevala duonekrano: Movi la chevalon sur la 2-a linio antauen al la 3-a kaj tiun sur la 8-a linio al la 9-a, kio estas nomata arangho de chevala duonekrano. Estas dekstra kaj maldekstra chevalaj duonekranoj. Oni ofte uzas la postan aranghon. Ghi celas movi la gvardianon kaj elefanton al la 5-a linio por cedi vojon al la charoj. La mankoj de tiu formacio estas, ke la soldato sur la 5-a linio estas gardata nur de unu chevalo kaj facile forkaptebla de la rivalo, la du chevaloj malfacile moveblaj kaj la shakpecoj tro koncentritaj, kio donas al la rivalo shancojn de ofta atako kaj katenas siaflankan kontrauatakon. La ludanto, faranta tian aranghon, metas sian esperon de venko sur la mezan kaj lastan stadiojn de la ludo, tial shakludanto kun alta nivelo en la meza kaj lasta stadioj shatas uzi tian formacion.

    D. Palacgardantaj chevaloj: Movi la chevalon sur la 2-a linio antauen al la 3-a, la kanonon sur la 8-a linio dekstren al la 6-a kaj la chevalon sur la 8-a al la 7-a. Tia formacio havas certan kontrauatakan forton, sed la charo sur la 9-a linio estas malfacile uzebla, kio ofte dronigas la ludanton en malfacila stato (Vd. la dekstran bildon).

    E. Palac-trapasa chevalo: Movi la elefanton sur la 3-a linio antauen al la 5-a, la chevalon sur la 2-a linio al la 4-a kaj poste al la 6-a. Tia formacio povas kontraubatali chevalan ekranon, chevalan duonekranon au centran kanonon de la rivalo. Sed la alia chevalo estas facile atakebla, tio malfortigas la defendon (Vd.la maldekstran bildon).

    F. Reciproka antauenpusho de soldatoj: La antaua movfaranto movas la soldaton sur la 3-a linio antauen unu pashon, ankau la posta movfaranto faras tion. Tio povas evolui en formacion de chevala ekrano au tiun de palac-trapasa chevalo. Ghi povas kontraubatali malrapidan atakon de la rivalo. Se ambau ludantoj ludas diskrete, la ludo ofte finighas per egaligho.

    G. Kanona duoblo: La antaua movfaranto movas la kanonon sur la 2-a linio maldekstren al la 5-a, la posta movfaranto movas la kanonon sur la 8-a linio antauen unu pashon por gardi la centran soldaton kaj poste la kanonon sur la 2-a linio maldekstren al la 8-a por bari la dekstran charon de la rivalo. Tia formacio estas originala, sed katenighema kaj malofte uzata.