Varias la roloj de malsamaj pecoj en la china shako. Oni havas eblecon gajni ludon nur tiam, kiam li bone konas la rolojn de shakpecoj kaj ghuste manovras ilin.

    Charo estas la plej forta peco el chiuj, iaokaze ghi estas pli forta ol chevalo kaj kanono kune. Se charo okupas lokon sur limrivera linio, au tiun de la 4-a au la 6-a orta linio, ghi povas multe helpi atakon au defendon de aliaj pecoj siaflankaj.

    Chevalo kaj kanono estas preskau samgravaj. Ghenerale, en la komenca kaj meza stadioj, kiam la pecoj de ambau partioj estas ankorau multaj, kanono estas iom pli forta ol chevalo dank' al sia rapideco, dum en la fina stadio, kiam la gvardianoj kaj elefantoj estas nekompletaj, chevalo farighas pli forta ol la kanono, kiu perdas forton pro manko de afustoj. Unu chevalo povas regi ok punktojn chirkaue (Vd. la dekstran bildon). Ghi ludas gravan rolon meze de la tabulo, sed, kiam ghi saltas sur limlinion au en angulon, ghi tuj malfortighas kaj farighas facile kaptebla.

    Soldato ghenerale ludas nur akcesoran rolon. Antau transiro de la limrivero, soldato estas malforta kaj ludas nur kontaktan au obstrukcan rolon. Transirinte la limriveron kaj enirinte en la palacon, ghi farighas tre forta kaj povas helpi aliajn siaflankajn pecojn matigi la chefgeneralon de la rivalo. En la fina stadio unusola soldato povas matigi la chefgeneralon de la rivalo kondiche ke la kontraua partio havas nur chefgeneralon.

    Gvardiano kaj elefanto protektas la chefgeneralon. Gardante sian chefgeneralon, iaokaze kunhelpas aliajn pecojn en atakado. Chu en la komenca, chu en la meza, chu en la fina stadio, la aparta kaj kuna defendoj de la gvardianoj kaj elefantoj estas tre gravaj. Se la gvardianoj kaj efefantoj de unu partio estas kompletaj, do ili povas sukcese defendi kontrau unuchara atako de la rivalo.

    Chefgeneralo, gvidanto de la armeo, estas gardata de siaj militfortoj. Se unu partio perdas sian chefgeneralon, ghi perdos do la ludon malgrau ke ghia armeo estas pli forta ol tiu de la rivalo. Kvankam malpermesita eliri el la palaco, la chefgeneralo povas kapti malamikajn pecojn en la kadro de la palaco. Al la chefgeneraloj estas malpermesite stari vid-al-vide sur la sama linio. Oni povas profiti la regulon por kateni malamikan pecon. Vd. la dekstran bildon, la rugha chevalo povas kapti la katenitan nigran chevalon.