La
ludo de china shako havas unuan, mezan kaj finan stadiojn. El ili
la meza stadio estas shlosila, la taktikoj en tiu stadio multe varias.
Jen konkretaj taktikoj: Planado de kapto de shakpeco de la rivalo,
reciproka kapto de egalaj shakpecoj, dispozicio de shakpecoj, forlaso
de shakpeco, reteno de shakpecoj de la rivalo, blokado kaj pincha
atako kaj trarompo de siegho ktp.
1.
Planado de kapto de shakpeco de la rivalo.
Estas multaj manieroj por kapti shakpecojn de la rivalo. Se oni
sukcesas kapti charon, chevalon au kanonon de la rivalo, li faras
la situacion favora al li kaj metas bazon de venko.
Sed la ludanto devas atenti pri la sekvo. Se la kapto de shakpeco
de la rivalo rezultigos al si pasivan kaj ech malfavoran situacion,
tio estas nefarinda. Ekz., en la bildo 1 la nigra charo estas
kaptanta la rughan kanonon sur la 2-a linio, kiu povas kapti la
nigran chevalon sur la 5-a linio, sed la rugha partio ne atakas
la chevalon, sed movas sian chevalon sur la 1-a linio antauen al
la 2-a, por ke la rugha kanono ataku la nigran charon, kiu trovas
neniun alian vojon krom fari du pashojn malantauen kaj kapti la
rughan chevalon. Sekve la rugha partio movas la charon de la 1-a
linio al la 2-a kaj kaptas nigran charon, per tio ghi gajnas la
superecon.
2.
Reciproka kapto de egalaj shakpecoj. Per
tio oni
celas akiri superecon, savi sin el krizo, simpligi kaj stabiligi
la situacion. Ekz., en la bildo 2 la nigra partio kvazau
posedas superecon, ghia soldato sur la 7-a linio estas jam transpasinta
la riveron, ghiaj du chevaloj okupas favoran lokon, la charo sur
la 1-a linio chiam povas eliri kaj ghia meza parto estas solide
defendata. Sed la rugha partio faras lertan manovron kaj movas la
chevalon de la 6-a linio antauen al la 8-a por minaci la nigran
chevalon, kiu devigite kaptas la rughan chevalon. Kaptinte la nigran
chevalon per rugha charo, la rugha partio povas kapti la nigran
kanonon, movante sian soldaton sur la 9-a linio antauen. La situacio
farighas favora al la rugha partio.
3.
Dispozicio de shakpecoj.
Per tio oni celas movi shakpecojn al strategiaj punktoj por minaci
la rivalon kaj formi sian superecon. Ekz., en la bildo 3
la rugha charo jam bridas la nigran, sed la nigra chevalo estas
gardata de la kanono sur la 3-a linio, la rugha charo ne kuraghas
kapti ghin. Se la rugha kanono sur la 8-a linio iras al la 3-a por
kapti la nigran chevalon. Tiam la lasta devas movighi de la 7-a
linio malantauen al la 9-a. Forpelinte la nigran chevalon, la rugha
partio povas fari atakon en la meza parto.
4.
Forlaso de shakpeco. En
tio oni celas kompletan venkon per forlaso
de unu au kelkaj shakpecoj. Tiu taktiko en konvena uzado povas fari
la ludon alloga kaj gustoplena. En la bildo 4 la rugha partio
posedas superecon, sed ne povos akiri la venkon facile. Post multflanka
pripensado la rugha partio movas sian charon sur la 3-a linio 3
pashojn antauen kaj kaptas la nigran elefanton, lasante la charon
kaptita de la nigra chevalo sur la 9-a linio. Kvankam la rugha partio
estas perdinta unu charon, tamen ghi povas movi la chevalon sur
la 6-a linio antauen al la 7-a por fari mortigan atakon (La rugha
charo sur la 6-a linio faros unu pashon antauen kaj shakigos la
nigran chefgeneralon).
5. Reteno
de shakpecoj de la rivalo.
Per malmultaj shakpecoj
oni malebligas al iuj shakpecoj de la rivalo movighi libere, poste
iom post iom pligrandigos sian superecon kaj faros lastan batalon
je apero de shanco. Ekz. en la bildo 5 la du partioj havas
egalan forton, sed post kiam la rugha kanono kaptas la nigran mezan
soldaton, la nigra partio povas nur movi la gvardianon sur la 4-a
linio antauen al la 5-a (Se ghi movus la gvardianon sur la 6-a al
la 5-a, ghi trovighus en pli malfavora stato). Poste la nigra charo
sur la 2-a linio devigite retirighas 7 pashojn por defendi sian
chefgeneralon, kaj tiam la charo estas katenita. Tiutempe la rugha
partio povas fari pluan atakon.
6. Blokado.
Tiu taktiko celas malgrandigi la movan spacon de iuj shakpecoj de
la rivalo. Ekz. en la bildo 6 la rugha charo sur la 6-a linio
movighas
7 pashojn antuen por blokadi la nigran chefgeneralon kaj sufoki
la nigran kanonon. La nigra charo sur la 7-a linio movighas unu
pashon antauen kaj kaptas la rughan chevalon. La rugha elefanto
sur la 7-a linio movighas antuen al la 5-a, por ke la rugha kanono
ataku la nigran charon, kiu devas retirighi unu pashon. La rugha
charo sur la 9-a linio movighas dekstren al la 6-a kiel oferdono,
la nigra kanono sur la 4-a linio movighas 9 pashojn antauen kaj
kaptas la rughan charon, la rugha chefgeneralo sur la 5-a linio
movighas maldekstren al la 6-a kaj kaptas la kanonon. Tion sekvas
mortiga shakigo al la nigra chefgeneralo.
7. Pincha
atako. La dekstra
kaj maldekstra aloj faras kunan atakon al la rivalo,
kio povas rapidigi la sukceson. Ekz. en la bildo 7 la rugha
partio povas fari kunan atakon per charo kaj kanono de ambau aloj.
Ekz., la kanono sur la 8-a linio movighas 6 pashojn antauen por
malhelpi la nigran chevalon eliri, la nigra chefgeneralo sur la
6-a linio movighas dekstren al la 5-a, la rugha charo sur la 2-a
linio movighas 9 pashojn antauen kaj shakigas la chefgeneralon,
la nigra charo sur la 6-a linio retirighas 6 pashojn por defendo,
la rugha charo sur la 2-a linio movighas maldekstren al la 3-a,
la rugha kanono sur la 1-a linio povas movighi maldekstren al la
4-a kaj ataki la nigran charon. Tiam la rugha partio ekhavas superecon.
8. Trarompo
de defendo.
Dum atako oni ofte aplikas la taktikon trarompi la defendan linion
de la rivalo. Ekz., oni aplikas la taktikon trarompi la defendon
de la gvardianoj kaj elefantoj de la rivalo por malshirmi kaj ataki
la chefgeneralon. En la bildo 8 la rughaj charo kaj kanono
sur la 4-a kaj 3-a linioj estas retenataj de la nigra charo, ankau
la rugha chevalo sur la 4-a linio ne povas movighi antauen al la
3-a por shakigi la chefgeneralon. Shajne la rugha partio ne povas
fari atakon, sed ghi povas trarompi la defendan linion de la nigra
partio per lerta movo. La rugha partio unue movas la kanonon sur
la 3-a linio 5 pashojn antauen kaj kaptas la nigran soldaton, la
nigra charo sur la 9-a linio movighas dekstren al la 6-a kaj kaptas
la rughan charon, la rugha kanono sur la 7-a linio movighas 5 pashojn
antauen kaj kaptas la nigran elefanton, la nigra elefanto sur la
5-a linio retirighas al la 3-a kaj kaptas la rughan kanonon, la
rugha charo sur la 5-a linio movighas 2 pashojn antauen kaj kaptas
la nigran gvardianon, la nigra gvardiano sur la 4-a linio movighas
antauen al la 5-a kaj kaptas la rughan charon. La rugha chevalo
sur la 4-a linio movighas antauen al la 6-a kaj shakigas la nigran
chefgeneralon, kiu sur la 5-a linio movighas al la 4-a, la rugha
kanono sur la 3-a linio movighas al la 6-a kaj faras mortigan shakigon.
La rezulto montras, ke la rugha partio, kvankam perdas du charojn,
trarompas la defendan linion de la nigraj gvardianoj kaj elefantoj
kaj akiras la finan venkon per "kanono post chevalo".
|