 |
|
Figuro-pentrajhoj de Chinio de
WANG XIUQIN
|
|||
Chinaj
figuro-pentrajhoj, speco de la china pikturo, aperis pli frue ol
tiuj pri pejzaghoj, floroj kaj birdoj. Ili temas ghenerale pri taoismaj
kaj budhismaj aferoj, pri belulinoj kaj aliaj personoj, pri ghenroj,
historiaj rakontoj, ktp. Ilia pentrarto estas delikatlinia kaj liberstila.
La delikatlinia estas subtila, dum la liberstila -- simpla, chefe
por montri la spiriton kaj mienon de homoj. En
la china figuro-pentrado oni kreas figurojn chefe per linioj kaj
turnas grandan atenton sur prezentadon de figuroj plastikaj kun
vigla mieno kaj prezentas la homajn karakterojn en medio, etoso,
homa aspekto kaj movigho. La silka pentrajho "Drakorajdo",
elterigita el tombo de Chu-regno de la periodo de Militantaj Regnoj
(475-221 a. K.) estas unu el la plej fruaj figuro-pentrajhoj de
Chinio. Ghi aludas la chieliron kaj metempsikozon de mortinto. La
chefa figuro sur la pentrajho estas vivoplena profilo de la tombomastro.
Konturita per nigraj linioj kaj kolorigita forte kaj troige, ghi
tre vivece konigas la rakonton, dum la aliaj objektoj estas blanke
desegnitaj simple kaj flue. En Han-dinastio |
