La 1-an de oktobro de 1949 okazis sur Tian'anmen-placo grandioza mitingo por celebri fondighon de la nova Chinio. Prezidanto Mao Zedong proklamis la fondighon de la China Popola Respubliko.

De la 21-a ghis la 30-a de septembro de 1949 okazis en Pekino okazis la Unua Plena Sesio de la China Popola Politika Interkonsiligha Konferenco partoprenata de reprezentantoj de la politikaj partioj, popolaj organizoj kaj sociaj rondoj kaj senpartiaj demokratoj. La sesio ellaboris "Komunan Programon" ludantan la rolon de provizora konstitucio, elektis la Komitaton de la Centra Popola Registaro kun Mao Zedong kiel prezidanto kaj nomumis Zhou Enlai chefministro de la Shtata Konsilio kaj ministro de la Ministerio de Eksteraj Aferoj. En la 1-a de oktobro 300 mil homoj mitingis sur Tian'anmen-placo por celebri fondighon de la nova Chinio. Prezidanto Mao Zedong solene proklamis la oficialan fondighon de la China Popola Respubliko.

Post la fondigho de la nova Chinio estis restariga periodo de la nacia ekonomio. Disvolvante produktadon, Chinio penadis por pasho post pasho starigi komunan posedsistemon de produktaj rimedoj. De 1953 ghis 1956 oni faris grandskalan socialisman transformadon kaj antautempe plenumis la Unuan Kvinjaran Planon (1953- 1957) de la nacia ekonomio, konstruis nombron da bazaj industrioj bezonataj de industriigo de la lando, kiel ekzemple fabrikado de aviadilo kaj auto, fabrikado de peza kaj preciza mashinoj, fabrikado de elektreja ekipajhoj, fabrikado de metalurgia kaj mineja ekipajhoj kaj metalurgio de altklasa alojo kaj neferaj metaloj. En la 10 jaroj de 1957 ghis 1966 antau la "Kultura Revolucio" la fiksa kapitalo de

Deng Xiaoping en inspektado en la Speciala Ekonomia Distrikto de Shenzhen en 1992.

la china industrio trioblighis lau origina prezo en komparo kun tiu de 1956, dum enspezo de landanoj kreskis je 58% lau komparebla prezo. La kvanto de chefaj industriaj produktajhoj kreskis kelkoble auech dekkelkoble, kaj starighis novaj industriaj branchoj. La agrikultura fundamenta konstruado kaj teknologia reformado estis vaste disvolvataj, 6-oblighis la nombro de traktoroj kaj uzita kvanto de kemia sterko. La "Perspektiva Plano de Disvolvigho de Sciencoj kaj Teknologio por 12 jaroj de 1956 ghis 1967" estis antautempe efektivigita, kaj rapide disvolvighis multaj novaj sciencoj kaj teknologioj. En tiuj 10 jaroj la Komunista Partio de Chinio kaj la registaro faris seriozajn erarojn, kio pushis la nacian ekonomion en grandan malfacilon.

La "Kultura Revoluio" de majo de 1966 ghis oktobro de 1976 estis iniciatita kaj gvidata de prezidanto Mao Zedong. Utiligante la mispashojn de Mao Zedong en lia maljuneco, la kontraurevoluciaj klikoj de Lin Biao kaj Jiang Qing multe krimis damaghante la nacion kaj la popolon. En oktobro de 1976, kun la subteno de la popolo, la Komunista Partio de Chinio venkis la kontraurevolucian klikon estratan de Jiang Qing, edzino de Mao Zedong, kaj Chinio eniris en novan disvolvighan etapon.

Vespere de la 31-a de decembro de 1999 kaj frumatene de la 1-a de januaro de 2000 pekinanoj okazigis ceremonion sur la China Jarcenta Altaro por bonvenigi novan jarmilon. Prezidanto Jiang Zemin cheestis la inauguron de la altaro.

En julio de 1977, lau la forta postulo de la popolo, oni redonis al Deng Xiaoping chiujn oficojn en kaj ekster la Komunista Partio de Chinio forprenitajn en la "Kultura Revolucio". La Tria Plena Sesio de la 11-a Centra Komitato de la Komunista Partio de Chinio okazigita en 1978 markis grandan signifoplenan turnighon de nova Chinio post ghia fondigho. Ekde 1979 Chinio praktikadis reformadon kaj pordmalfermon iniciatitajn de Deng Xiaoping kaj radikale korektis la maldekstremajn erarojn de la "Kultura Revolucio" kaj tiujn de pli frua tempo, translokis la chefan punkton de laboro al moderniga konstruado, plenforte reguligis la proporciajn rilatojn de la nacia ekonomio, reformis la ekonomian kaj politikan sistemojn, kaj difinis por si la vojon de socialisma moderniga konstruado kun china karakterizajho. Dank' al reformado kaj pordmalfermo la fizionomio de la shtato ricevis profundan shanghighon, ke tiu periodo estis la plej prospera post la fondigho de la nova Chinio kaj ankau plej favora al la popolo. Ekde 1989, kiam Jiang Zeming ekfunkciis kiel la ghenerala sekretario de la Centra Komitato de la Komunista Partio de Chinio kaj prezidanto de la Centra Milita Komitato kaj shtata prezidanto en 1993, li gvidis la triageneracian gvidan kolektivon, persistis en la politiko de reformado kaj pordmalfermo kaj heredis ghin sinapoge sur Dengxiaoping-teorio, stabiligis la politikan situacion de la shtato, disvolvis la ekonomion kaj vigligis la diplomation, kio estis aplaudata de la popolo.