Hani-nacianoj en danco

Egalrajteco, solidareco, interhelpo kaj kuna progreso estas la fundamenta principo de la china registaro en rilatoj kun nacimalplimultoj. La konstitucio de Chinio difinas, ke chiuj nacioj ghuas egalajn rajtojn, la shtato garantias la leghajn rajtojn de la nacimalplimultoj, malpermesas ajnan nacian diskriminacion kaj subpremon, malpermesas agojn detruantajn solidarecon de la nacioj kaj estigantajn nacian splitighon, oponas kontrau grandnacia shovinismo kaj chefe Han-shovinismo, kaj ankau loka naciismo, ke chiuj nacioj havas la liberecon uzi kaj disvolvi siajn proprajn parollingvon kaj skriblingvon, la liberecon konservi au reformi sian moron.

Surbaze de tiuj difinoj de la nacia politiko, Chinio praktikas nacian regionan autonomecon, nome sub la unueca gvido de la shtato, starigi en regionoj dense loghataj de nacimalplimultoj respondajn autonomajn organojn, ke la nacimalplimultoj mem administru siajn internajn aferojn de la loko. La "Legho de Nacia Regiona Autonomeco" aprobita de la Dua Sesio de la 6-a Tutlanda Popola Kongreso en 1984 estas la fundamenta legho konkrete garantianta praktikadon de nacia regiona autonomeco. Nun Chinio havas 5 autonomajn regionojn: la Autonoma Regiono de Interna Mongolio fondita la 1-an de majo de 1947, la Xinjiang-a Ujgura Autonoma Regiono fondita la 1-an de oktobro de 1955, la Guangxi-a Ghuang-nacia Autonoma Regiono fondita la 5-an de marto de 1958, la Ningxia-a Huj-nacia Autonoma Regiono fondita la 25-an de oktobro de 1958 kaj la Tibeta Autonoma Regiono fondita la 9-an de septembro de 1965. Krome en Chinio estas 30 autonomaj subregionoj, 120 autonomaj gubernioj kaj pli ol 1300 nacimalplimultaj subgubernioj. La autonomaj organoj de la autonomaj lokoj estas la popola kongreso kaj la popola registaro. La prezidanto kaj vicprezidantoj de la konstanta komitato de la popola kongreso de la lokoj kaj la estroj de la autonomaj regionoj, subregionoj kaj gubernioj devas esti nacimalplimultanoj.

La autonomaj organoj de la lokoj praktikas samajn funkcion kaj rajton de samnivelaj shtataj neautonomaj organoj kaj krome ghuas multajn autonomajn rajtojn: ellabori autonomajn regulojn kaj proprajn regulojn konformajn al la trajtoj de la politiko, ekonomio kaj kulturo de la nacio; mem disponi financan enspezon apartenantan al la loko; mem aranghi kaj administri konstruadon, edukadon, sciencojn, kulturon, higienon k.a. Krome la shtato entuziasme kulturas kadrojn kaj fakulojn el nacimalplimultanoj pere de la ordinaraj superaj lernejoj, nacimalplimultaj universitatoj kaj lernejoj speciale por nacimalplimultaj kadroj, kaj la centra registaro aktive helpas la autonomajn lokojn finance kaj materie por akceli iliajn ekonomion kaj kulturon.