Han-nacio
havas sian parollingvon kaj skriblingvon. Han-lingvo apartenas al
la Han-Tibeta lingvofamilio kaj estas populara lingvo de la mondo.
La skriblingvo de Han-nacio havas historion de 6000 jaroj kaj ghia
rudimento estis gravuritaj signoj. La nuna Han-nacia skriblingvo
devenis de la ideogramoj formitaj antau 3000 jaroj, kiujn siatempe
oni skribis sur testudaj sheloj kaj bovaj skapoloj kaj gravuris
sur bronzaj ujoj. Ili transformighis de figuroj al strekoj, de hieroglifaj
al ideografiaj, de komplikaj al simplaj. Chiu ideogramo havas unu
silabon kaj granda parto de la ideogramoj konsistas el ideografia
duono kaj silaba duono. Okcidentanoj opinias, ke chinaj ideogramoj
estas nenombreblaj. "Vortaro de Kangxi" kompilita en 1716
inkluzivas 47 mil ideogramojn, kaj la 8-voluma "Granda Han-lingva
Vortaro" kompilita dum 1986-1990 inkluzivas 56 mil ideogramojn.
Sed fakte nur chirkau 3000 ideogramoj estas ofte uzataj. Kaligrafajhoj
de chinaj ideogramoj estas tre valoraj artajhoj.
Huj-nacio
kaj manchur-nacio uzas Han-lingvon, kaj la aliaj 53 nacimalplimultoj
havas sian propran lingvon. 21 nacimalplimultoj havas skriblingvon
kaj ili uzas sume 27 skriblingvojn. Ghis nun oni ne povis certigi,
al kiu lingvofamilio apartenas la lingvo de Ghing-nacio, kaj chiuj
aliaj apartenas al 5 lingvofamilioj: la lingvoj de 29 nacioj inkluzive
de Ghuang-, Taj-, Tibet-, Ji-, Mjau- kaj Jau-nacioj apartenas al
la Han-Tibeta lingvofamilio; la lingvoj de 17 nacioj inkluzive de
Ujgur-, Kazahh-, Mongol- kaj Kore-nacioj apartenas al la altaja
lingvofamilio; la lingvoj de Va-, Deang- kaj Blang-nacioj apartenas
al la sud-azia lingvofamilio; la lingvoj de taghikoj kaj rusoj apartenas
al la hind-europa lingvofamilio; kaj la lingvo de Gaushan-nacio
en Taiwan apartenas al la sud-insula lingvofamilio. En la lernejoj
por nacimalplimultaj infanoj oni uzas lernolibrojn en la nacia lingvo
kaj la instruistoj instruas en la nacia lingvo.
|