Akvofalo che Huangguoshu en Guizhou-provinco

La China Popola Respubliko situas en la oriento de Azio, okcidente de Pacifiko. Ghi estas vasta lando kun teritorio de 9.6 milionoj da kvadrataj kilometroj, malpli granda ol Rusio kaj Kanado.

La plej norda loko de Chinio che Mohe (53°30' N) distancas de la plej suda loko Zengmuansha de Nansha-insularo (4° N) 5500 kilometrojn. Kaj la plej orienta loko en la kunfluejo de la riveroj Heilong kaj Wusuli (135°05' E) kaj la plej okcidenta loko che la Pamira Altebenajho (73°40' E) distancas 5200 kilometrojn kaj havas tempodiferencon de 4 horoj. La landlimo de Chinio longas 22800 kilometrojn kaj najbaras al 15 landoj: oriente Korea Popol-demokratia Respubliko; norde Mongolio; nordoriente Rusio, nordokcidente Kazahhstano, Kirgizstano kaj Taghikstano; okcidente kaj sudokcidente Afganio, Pakistano, Hindio, Nepalo, Sikimo kaj Bhutano; sude Birmo, Laoso kaj Vjetnamio. Oriente kaj sudoriente trans maro estas Korea Respubliko, Japanio, Filipinoj, Brunejo, Malajzio kaj Indonezio.

Hufferforma kurbigho de Yarlungzangbo-rivero, la plej granda kanjono de la mondo

La oriento kaj sudo de Chinio limtushas Bohai-maron, la Flavan maron, Orientan Chinan Maron kaj Sudan Chinan maron. La teritoriaj maroj de Chinio okupas areon de 4.73 milionojn da kvadrataj kilometroj. Bohai-maro estas interna maro de Chinio, kaj la aliaj 3 maroj estas randaj mroj de Pacifiko. En la teritoriaj maroj de Chinio dislokighas 5400 insuloj, kaj Taiwan estas la plej granda el ili, kun 36 mil kvadrataj kilometroj. La dua granda insulo estas Hainan-insulo, kun 34 mil kvadrataj kilometroj. La insuloj Diaoyu kaj Chiwei nordoriente de Taiwan-insulo estas la plej orientaj insuloj de Chinio. En la Suda China Maro estas la insularoj Dongsha, Xisha, Zhongsha kaj Nansha.