Historio
Loghantaro kaj nacioj
Religioj kaj moroj
Administraj distriktoj
Politiko kaj shtataj organoj
Eksteraj rilatoj
Socia garantio
 
Geografio
 
Topografio
Topografio
Topografia mapo de Chinio

Sur la vasta tero de Chinio trovighas altaj montaroj, grandaj kaj malgrandaj basenoj, ondantaj altebenajhoj kaj montetaroj, ebenaj fekundaj ebenajhoj...

Panorame rigadate, la tero de Chinio havas 4 shtupojn malaltighantajn de okcidento al oriento.
La unua shtupo estas la Qinghai-Tibeta Altebenajho, en absoluta alteco de 4000 metroj, nomata tegmento de la terglobo. Sur la altebenajho estas multaj altaj montaroj kun glaciriveroj. La chefaj montaroj estas Kunlun, Gandise kaj Himalajo. La chefa pinto Qomolangma de Himalajo kun absoluta alteco de 8848 metroj estas la unua montpinto de la mondo.
Qomolangma,
la chefa pinto de Himalajo

La dua shtupo estas la Altebenajho de Interna Mongolio, Loesa Altebenajho, Yunnan-Guizhou-a Altebenajho, Tarim-baseno, Junggar-baseno kaj Sichuan-baseno. Ilia meznombra absoluta alteco estas 1000-2000 metroj.
Pitoreskejo Jiuzhaigou kun lagoj, akvofaloj, neghaj montoj kaj arbaroj

La tria shtupo trovighas inter la orienta rando de la dua shtupo, nome la Granda Xin'an-montaro, Taihang-montaro kaj Xuefeng-montaro, kaj la orienta marbordo. La absoluta alteco mallevighis ghis 500-1000 metroj. Sur tiu shtupo etendighas la Nordorienta Ebenajho,Nordchinia Ebenajho kaj Ebenajho de Meza kaj Malsupra Yangzi-rivero. Tiuj ebenajhoj estas garnitaj per malaltaj montoj kaj montetaroj.

Pli oriente estas malprofundaj maroj de la kontinenta breto, nome la kvara shtupo, en profundeco de malpli ol 200 metroj.