La china registaro alte taksas la "Deklaracio de Homaj Rajtoj de la Mondo" opiniante, ke ghi estas la unua internacia dokumento, kiu sisteme elmetis konkretajn enhavojn por respekti kaj protekti fundamentajn homajn rajtojn kaj metis la bazon por la praktikado de internacia sfero de homaj rajtoj. Samtempe la china registaro opinias ankau, ke ghenerala principo de efektivigo de homaj rajtoj devas kombinighi kun la konkretaj statoj de la respektivaj landoj. La landoj de la mondo havas malsamajn socisistemojn, kaj la disvolvigho de ilia ekonomio trovighas en malsamaj gradoj, la historiaj kaj kulturaj tradicioj estas diferencaj, tial diferencas ankau la opinioj kaj manieroj de efektivigo de homaj rajtoj.

Konsiderante la proprajn historion kaj staton, Chinio formis sian propran opinion kaj ellaboris respondajn leghojn kaj politikojn surbaze de longtempa praktikado. La homaj rajtoj de Chinio karakterizighas per tri trajtoj:

1. Amplekseco. Nemalmultaj homoj, nek klasoj au socitavoloj, sed la tuta popolo de Chinio ghuas homajn rajtojn. Vasta estas la sfero de homaj rajtoj ghuataj de la chinaj civitanoj, kiu ampleksas rajtojn de ekzisto, korpo kaj politiko, kaj ankau tiujn en ekonomio, kulturo kaj socio. La shtato protektas ne nur homajn rajtojn de personoj, sed ankau tiujn de kolektivo.

2. Egalrajteco. La chinaj civitanoj estas egalrajtaj antau la legho. La rajtoj de la civitanoj difinitaj en la konstitucio kaj legho ne estas limigitaj de richeco, proprieto, nacieco, raso, sekso, profesio, familia deveno, religia kredo, edukiteco kaj longeco de loghado.

3. Vereco. La shtato garantias efektivigon de homaj rajtoj reghime, leghe kaj materie. En la reala vivo oni ghuas rajtojn egalajn al tiuj difinitaj de la konstitucio kaj legho. Tial chiuj nacioj, socitavoloj, politikaj partioj kaj sociaj rondoj subtenas tion. La unua rajto por la shtato kaj nacio estas tiu de ekzisto, kaj disvolvigho estas bazo por akceli kaj protekti la homajn rajtojn.

Post la fondigho de la China Popola Respubliko, la china registaro chiam prenis la solvon de la problemo de minimuna vivtenado de la popolo kiel la unuan kaj plej urghan taskon kaj faris por tio senlacan penadon. Ekde 1979 Chinio prenis ekonomian konstruadon kiel la centron, praktikis reformadon kaj pordmalfermon, maksimume akcelis la disvolvighon de la socia produkta forto kaj en la fino de la 80-aj jaroj fundamente solvis la problemon de minimuma vivtenado de la popolo kaj fundamente solvis la problemon de ekzisto. Nun Chinio plenamplekse antauenpushas la reformadon kaj pordmalfermon, disvolvas la nacian ekonomion, por ke la vivo de la popolo estu multe pli bona ol tiu de la minimuma nivelo. Chinio aktive partoprenas en la internaciaj aktivadoj de homaj rajtoj, subskribis kaj ratifikis ch. 20 internaciajn konvenciojn pri homaj rajtoj, inkluzive de "Internacia Konvencio de Ekonomiaj, Sociaj kaj Kulturaj Rajtoj" kaj "Internacia Konvencio de Civitanaj Rajtoj kaj Politikaj Rajtoj", kaj alighis al ili. La china registaro serioze plenumas la devojn difinitajn de tiuj konvencioj pere de siaj leghofaro, justico kaj administrado kaj regule prezentas raportojn pri praktikado al la kontrolaj organoj de la konvencioj.