Krom la reganta Komunista Partio de Chinio (KPCh), Chinio havas ankau 8 aliajn politikajn partiojn nomatajn demokratiaj partioj. Tuj che sia fondigho tiuj partioj starigis kunlaborajn rilatojn kun KPCh en malsamaj gradoj. Tiuj partioj aktive respondis al la alvoko de KPCh pri okazigo de la China Popola Politika Interkonsiligha Konferenco (ChPPIK) kaj partoprenis kune kun KPCh kaj aliaj demokratoj en la Unua Plena Sesio de ChPPIK. La sesio aprobis la "Komunan Programon" kun karaktero de provizora konstitucio, elektis la Centran Popolan Registaron, kaj che tio fondighis la China Popola Respubliko. Post la fondigho de la nova Chinio, tiuj demokratiaj partioj partoprenis en la interkonsiligho kaj decido de gravaj problemoj en la shtata politika vivo, kaj multaj personoj el ili estis elektitaj reprezentantoj de la Popola Kongreso kaj komitatanoj de ChPPIK. Multaj membroj de la demokratiaj partioj funkcias kiel gvidantoj en la konstanta komitato de la Popola Kongreso, en la komitato de ChPPIK, en la registara organo kaj en la fakoj de ekonomio, kulturo, edukado, scienco kaj tekniko. La demokratiaj partioj de Chinio ne estas neregantaj partioj nek opoziciaj, sed intimaj amikaj partioj de KPCh, kiuj sin okupas pri la socialisma afero. Ili longe kunekzistos kun KPCh, inspektas kun ghi unu alian kaj dividas kun ghi ghojon kaj malghojon.

Komunista Partio de Chinio

Fondita en julio de 1921 kaj nombranta 66.355 milionojn da membroj. De 1921 ghis 1949, ghi gvidis la popolon en malfacilega batalo kontrau imperiismo, feudismo kaj burokrata kapitalismo kaj fondis la Chinan Popolan Respublikon. Post la fondigho de la nova Chinio ghi gvidis la popolon de diversaj nacioj por defendi la sendependecon kaj sekurecon de la shtato kaj sukcese efektivigis la transiron de novdemokratio al socialismo, faris planitan kaj grandskalan socialisman konstruadon kaj ebligis al Chinio senprecedencan disvolvighon en la ekonomia kaj kultura afero. En julio de 1997 ghi okazigis sian 15-an Tutlandan Kongreson kun grava historia signifo. La kongreso difinis Dengxiaoping-teorion kiel gvidan penson por la tuta partio, elmetis la fundamentan programon de la partio por la primara stadio de socialismo, ellaboris la fundamentajn celon kaj politikojn por disvolvigho de ekonomio, politiko kaj kulturo, kaj klare montris: La periodo de tiu tempo ghis la unuaj dek jaroj de la 21-a jarcento estas shlosila periodo por la china moderniga konstruado, kaj oni nepre devas radikale shanghi ekonomian sistemon kaj metodon de ekonomia kresko, starigi kompare kompletan sistemon de socialisma merkata ekonomio kaj teni la dauran, rapidan kaj sanan disvolvighon de la nacia ekonomio, por meti firman bazon por fundamenta modernigho en la mezo de la 21-a jarcento. Nun la partio gvidas la chinan popolon en konstruado de socialismo kun china trajto kaj klopodas por atingi sian finan celon de efektivigo de komunismo. La plej alta gvida organo de la partio estas la Tutlanda Kongreso (okazanta en chiu kvina jaro) kaj la Centra Komitato (kunvenanta almenau fojon en jaro) elektita dum la kongreso. La plena sesio de la Centra Komitato elektas la Politikan Buroon, ghiajn Konstantan Komitaton kaj la gheneralan sekretarion de la Centra Komitato kaj nomumas membrojn de la sekretariejo de la Centra Komitato. Dum fermigho de la plena sesio de la Centra Komitato la Politika Buroo kaj ghiaj konstantaj membroj praktikas la povon de la Centra Komitato. La sekretariejo estas plenuma organo de la Politika Buroo kaj ghiaj konstantaj membroj. La ghenerala sekretario de la Centra Komitato kunvokas kunvenon de la Politika Buroo kaj tiun de la Konstanta Komitato de la Politika Buroo kaj prezidas la laboron de la sekretariejo. La nuna ghenerala prezidanto de la Centra Komitato estas Jiang Zemin.(KPCh-kongreso)

Revolucia Komitato de Kuomintango

Fondita en januaro de 1948, nombranta 60 mil membrojn. La nuna prezidanto estas s-ino He Luli. Ghiaj membroj kaj la rilataj popolanoj estas iamaj membroj de Kuomintango kaj personoj havintaj historiajn rilatojn kun Kuomintango.

China Demokratia Ligo

Fondita en oktobro de 1941, nombranta 144 mil membrojn. La nuna prezidanto de ghia Centra Komitato estas Ding Shisun. Ghiaj membroj kaj rilataj popolanoj estas intelektuloj de la supera kaj meza socitavoloj.

China Demokratia Nacikonstrua Asocio

Fondita en decembro de 1945, nombranta 78 mil membrojn. La nuna prezidanto de ghia Centra Komitato estas Cheng Siwei. Ghiaj membroj kaj rilataj popolanoj estas ekonomikistoj kaj rilataj eruditoj.

China Demokratio-Akcela Asocio

Fondita en decembro de 1945, nombranta 74 mil membrojn. La nuna prezidanto de ghia Centra Komitato estas Xu Jialu. Ghiaj membroj kaj rilataj popolanoj estas intelektuloj sin okupantaj pri edukado, kulturo, scienco kaj eldonado.

China Kamparana-Laborista Demokratia Partio

Fondita en augusto de 1930, nombranta 74 mil membrojn. La nuna prezidanto de ghia Centra Komitato estas Jiang Zhenghua. Ghiaj membroj kaj rilataj popolanoj estas intelektuloj sin okupantaj pri medicino, farmacio, higieno, scienco, tekniko, kulturo kaj edukado.

China Zhi Gong Dang

Fondita en oktobro de 1925, nombranta 18 mil membrojn. La nuna prezidanto de ghia Centra Komitato estas Luo Haocai. Ghiaj membroj kaj rilataj popolanoj estas revenintaj elmigrintoj, parencoj de elmigrintoj kaj reprezentantaj personoj, specialistoj kaj eruditoj rilataj kun la eksterlando.

Jiusan-Societo

Fondita en decembro de 1944, nombranta 78 mil membrojn. La nuna prezidanto de ghia Centra Komitato estas Wu Jieping. Ghiaj membroj kaj rilataj popolanoj estas alt- kaj mezgradaj intelektuloj sin okupantaj pri scienco, tekniko, kulturo, edukado, medicino, farmacio kaj higieno.

Taiwan-a Demokratia Autonomio

Fondita en novembro de 1947, nombranta 1800 membrojn. La nuna prezidanto de ghia Centra Prezidantaro estas Zhang Kehui. Ghiaj membroj kaj rilataj popolanoj estas Taiwan-provincanoj loghantaj nun en la cheftero.

Krome Chinio havas ankau multajn popolajn societojn, kaj inter ili la plej gravaj estas la China Tutlanda Sindikato, la China Tutlanda Junulara Federacio, la China Tutlanda Virina Federacio kaj la China Tutlanda Industriista kaj Komercista Federacio.

China Tutlanda Sindikato

Sindikata federacio, plej supera gvida organo de diverslokaj sindikatoj kaj industriaj sindikatoj, fondita en majo de 1925. Ghi nombras 89.13 milionojn da membroj. La nuna prezidanto de ghia Plenuma Komitato estas Wei Jianxing.

China Tutlanda Junulara Federacio

Federacia organizo de junularaj societoj de Chinio, fondita en majo de 1949. La nuna prezidanto estas Bayin Chaolu. Ghia kerno estas la China Komunisma Junulara Ligo fondita en majo de 1922. La ligo nombras 68.41 milionojn da membroj kaj la unua sekretario de la sekretariejo de ghia Centra Komitato estas Zhou Qiang.

China Tutlanda Virina Federacio

Ghi estis fondita en aprilo de 1949 por la virinoj de diversaj nacioj kaj rondoj por ilia pluapasha emancipigho. La nuna prezidanto de ghia Plenuma Komitato estas s-ino Peng Peiyun.

China Tutlanda Industriista kaj Komercista Federacio

Ghi fondighis en oktobro de 1953 kaj estas popola socia rondo el industriistoj kaj komercistoj, kaj ankau popola komerca chambro por en- kaj eksterlanda komercado. La nuna prezidanto de ghia Plenuma Komitato estas Jing Shuping.