La nacia flago de Chinio estas rugha kaj surhavas 5 stelojn. La rugha koloro aludas revolucion, kaj la flava koloro de la kvinpintaj steloj okulfrape kontrastigas ilin sur la rugha fono. La granda stelo signifas la Komunistan Partion de Chinio kaj la aliaj 4 malpli grandaj steloj signifas la chinan popolon.

La rilatoj inter la granda stelo kaj la aliaj malpli grandaj steloj simbolas solidarecon de la popolo sub la gvido de la Komunista Partio de Chinio.

La nacia emblemo havas en la mezo Tian'anmen-pordegon sub kvin steloj kaj la rando estas garnita per dentrado kaj garboj da grenaj spikoj. La spikogarboj, kvinangulaj steloj, Tian'anmen-pordego kaj dentrado estas orkoloraj, dum la fono kaj kvastoj estas rughaj. La ora kaj rugha koloroj simbolas felichon lau la china moro. Tian'anmen-pordego signifas neflekseblecon de la china popolo en batalo kontrau imperiismo kaj feudismo. La dentrado kaj grenspikoj signifas laboristan klason kaj kamparanan klason. La 5 steloj simbolas popolan unuighon sub la gvido de la Komunista Partio de Chinio.

La teksto de la nacia himno de la China Popola Respubliko estis verkita de china dramisto Tian Han kaj la komponajho estis plenumita de Nie Er en 1935. "Al lukt', ni chiuj ne sklavvolaj! Dedichu l' sangon por la kre' de nova Grandmur'! Nun Chinio venas al grava krizhor', chiuj fine devas krii laute kun venghjhur'. Al lukt'! al lukt'! al lukt'! Miloj ni konkorde spite malamik-kuglojn marshu! Spite malamik-kuglojn marshu! Marshu! Marshu! marsh'!" Origine la himno havis la titolon "Marsho de Volontuloj" kaj estis tema kanto en la filmo "Bravaj gefiloj en krizo". La filmo rakontas pri brava rezistado de la china popolo kontrau la japana agreso al la nordoriento de Chinio. La himno esprimas la heroan tradicion de kuragheco, firmeco kaj solidareco de la china nacio en batalo kontrau agreso. Pro tio la kanto estis prenita kiel la provizora nacia himno en la Unua Sesio de la China Popola Politika Interkonsiligha Konferenco okazigita en la 27-a de septembro de 1949. En la 4-a de decembro de 1982 ghi estis prenita de la Tutlanda Popola Kongreso kiel oficiala nacia himno.