La vilaghoj de Achang-nacio estas konsistigitaj de grupo da domoj. Meznombre chiu vilagho havas dekojn da familioj. La vilaghoj estas fermitaj per adobaj chirkaumuroj kun shtona bazo kaj havas pordojn en la kvar flankoj. En la vilagho estas shtonaj vojoj interligantaj chiujn domojn. Kaj chiuj domoj havas sian chirkaumuron el ramita tero. La domoj estas konstruitaj el brikoj, ligno kaj shtono kaj la tegmento estas duklina kaj subportata de ligna truso kaj septoj. La domoj estas similaj al tiuj de proksimaj han-nacianoj. Stalo kutime situas kontrau au apud la chefa chambro. En la chefa chambro estas nicho kaj fajrujo. Ambauflanke de la chefa chambro estas kuirejo kaj tenejo. La domoj estas bonorde vicigitaj, kaj la vilaghoj videblaj unu por alia.