En 1960 la nomo de la nacio Primi estis difinita lau la volo de la primi-oj. Antaue la primi-oj loghis sur la Qinghai-Tibeta Altebenajho kaj vivis nomadisme. Ch. la 7-a jc. ili transloghighis al la sudokcidenta parto de Sichuan-provinco kaj starigis intiman rilaton kun han-oj kaj tibetanoj. En la dinastio Yuan (1206-1368) primi-a trupo kune kun la mongola armeo batalis en la okcidenta parto de Yunnan-provinco. Poste ili restis en la loko kaj pli kaj pli multighis.

La primi-aj virinoj portas grandan kaptukon, veston kun butonoj che dekstra flanko, multfaldan jupon kaj larghan koloran zonon che la talio. Ili amas plekti la harojn kune kun fadenoj kaj vostaj haroj de guntbovoj kaj volvi ilin sur la kapo. La viroj portas mallongan veston el tolo, lozan pantalonon kaj blankan veshton el shafledo.

La primi-oj lertas en kantado kaj dancado. En festaj tagoj kaj en geedzigha kaj funebra ceremonioj okazas certe konkurso de kantado. Per reciprokado de kantoj gejunuloj povas havigi al si amaton.