La daur-oj en norda Chinio havas longan historion kaj brilan agrikulturon. Daur signifas terkulturanton. Tiu nomo legighis chirkau la jaro 1368. Post la fondigho de la nova Chinio en 1949 lau ilia volo oni nomas ilin Daur-nacio. Post esplorado oni konstatis, ke la daur-oj estas posteuloj de Chidan-nacio de Liao-dinastio (907-1125). En Qing-dinastio (1644-1911) la registaro senchese sendis daur-ojn al la landlimo por garnizonado kaj ech al Xinjiang. Hodiau en Tacheng (Qoqek), Xinjiang, vivas miloj da daur-oj.

La daur-oj lertas en ludo de hokeo. La Daur-nacia Autonoma Gubernio Morin Dawa portas ankau la nomon "Hejmo de Hokeo".

La daur-aj viroj portas tolan veston, robon, blankan kapveston kaj pajlan chapelon somere, felajn chapon kaj botojn vintre, kaj la virinoj robon kaj felajn botojn vintre. En festaj tagoj la daur-aj virinoj shatas porti broditajn silkajn vestojn kaj veshton ekstere. Por fari chasadon la daur-aj viroj sin vestas per fela chasvesto.

La plej grava festo de la daur-oj estas la Printempa Festo. Dume ili kultas la prapatrojn, vizitas parencojn kaj amikojn. En la 16-a tago de la unua monato lau la china luna kalendaro chiuj daur-oj nigrigas sian vizaghon, kio aludas felichon kaj bonan auguron por la tuta jaro.