En 1979 la Shtata Konsilantaro anoncis, ke Ghino estas la 55-a china nacimalplimulto. Pri la deveno de ghino-oj ne estas noto. La ghino-oj respektas Zhuge Liang kiel sanktulon. Legendo diras, ke parto da armeanoj de Zhuge Liang venis de malproksima nordo. Kiam fondighis la nova Chinio en 1949, la ghino-oj sin liberigis el la primitiva socio kaj komencis la novan vivon socialisman. Nun la ghino-oj havas siajn proprajn shtatoficistojn, studentojn, kuracistojn, komercistojn, sciencistojn kaj teknikistojn.

La ghino-aj viroj portas veston sen kolumo el blanka lino kaj pantalonon el blanka au blua tolo, kaj la virinoj diverskoloran veston sen kolumo, longan au mallongan jupon en nigra koloro kun rughaj borderajhoj kaj blankan tri-angulan chapon. La ghino-oj, chu viroj chu virinoj, sin beligas per grandaj oreltruoj.