En fora antikveco la prapatroj de la ji-oj vivis en sudokcidenta Chinio. Menciindas, ke Ji-nacio praktikis la feudan sklavoposedan sistemon en longa tempo kaj en iuj lokoj ech ghis la 20-a jc. Nur post la fondigho de la nova Chinio en 1949 la ji-oj ekpraktikis la politikon de demokratia kaj socialisma transformado.

La ji-aj viroj volvas la kapon per nigra au blua rubando longa je almenau ses metroj kaj faras dekstre surkape pintan nodon elstarantan antauen por montri bravecon, kaj portas flavajn kaj rughajn globformajn orelornamojn kun pendajhoj el rughaj silkaj fadenoj. La virinoj portas longan multfaldan jupon borderitan per plurtavolaj shtofpecoj en diversaj koloroj kaj nigran kaptukon. Ili surmetas nigran mantelon longan ghis la genuoj, kiam ili vizitas alian lokon.