Vestoj de achang-oj varias pro malsameco de lokoj. Achang-oj en Husa de Sichuan-provinco multe konservas la tradicion de vestado.

Achang-oj shatas porti freshajn florojn sur la kapo. La turbano de viroj kaj vestoj de virinoj povas indiki edzecon au fraulecon. La edzinighintaj virinoj faskigas siajn harojn per nigra silka shtofo en longo de 1 metro, kaj la hartubero altas 30 cm. Ili portas jhaketon butonumatan en la mezo, kaj la manikoj estas longaj, sed mallarghaj. Ili borderas la randon de jupo per brodajho rugha, verda, flava kaj blanka. La jupo longas ghis sub la genuo. Virinoj vindas la krurojn kaj zonas la talion per arghenta rimeno. Fraulinoj spiraligas la harfaskon sur la verto kaj kovras ghin per nigra tuko. Ili portas bluan au nigran jhaketon butonumatan en la mezo kaj longan pantalonon. Ili vindas la krurojn per shtofa strio kun brodajhoj per rughaj, verdaj, flavaj kaj blankaj fadenoj kaj la ekstremo de la strio elturnighas je largho de 5 fingroj. Junulinoj portas diversajn arghentajn ornamajhojn, ekzemple butonoj, chenoj kaj skatoletoj. Ili entenas en la arghenta skatoleto kalkon, areknuksojn k.a. Turbano de virinoj diferencigas ilin disde tiuj de aliaj nacioj.

Edzighintaj viroj portas nigran turbanon kaj bluan, nigran au blankan jakon butonumatan en la mezo kaj nigran pantalonon kaj oblikve sakon. Ilia jako havas arghentajn butonojn che la kolumo, dekstra shultrumo kaj akselumoj. Fraulinoj kovras la kapon per blanka gazo kun blanka rubando puntizita. La rubando havas en la mezo rughajn, verdajn kaj flavajn desegnojn. Ili havas sur la brusto floran tigon el rugha, verda, flava kaj blanka silkaj fadenoj. Junuloj shatas porti husa-sabron.

Husa-sabro

Husa-sabro alinomighas achang-sabro. Multaj el la membroj de nacio profesie laboras kiel ferajhisto. Ili estas lertaj fari diversajn tranchilojn kaj oni nomas la longajn glavojn faritajn en Husa de Longchuan de Yunnan-provinco husa-sabro. Husa-sabro estas pinta au nepinta, fleksebla che la talio. Ghi estas tre akra. Krome ili faras diversajn delikatajn tranchilojn por tibet-nacianoj en Tibeto, Qinghai kaj Yunnan.