La domoj de Baj-nacio konsistas el brikoj kaj ligno, tegmentitaj per tegoloj. Ili estas subportataj de vicoj da fostoj. La muroj en tri flankoj estas el ramita argilo kaj la fronta muro kaj interna septo - el lignaj tabuloj. La gabloj estas shirmitaj de etendita tegmento, kio povas izoli brulegon. La fostoj estas interligitaj per solivoj, kaj tia soliva charpentajho estas fortika kontrau tertremo.

La nacianoj koncentre loghas en Dali de Yunnan-provinco, kie ofte blovas okcidenta vento. La domoj frontas al oriento, kio povas eviti oftan okcidentan venton. La ekranmuro estas alta, dum la chefaj domoj, flankaj domoj kaj salonoj estas en sama alteco. Pro tio la domoj povas shirmi unu alian kontrau vento. La fasado kutime estas ornamita per argila skulptajho, ligna gravurajho, shtona gravurajho, marmora ekrano, reliefaj brikoj kaj grizaj brikoj. La fasada dekorado karakterizighas per tradicia nacia gusto, kaj ankau la strukturo estas originala. La ekranmuro, plafono, pordo, fenestro k.a. estas ornamitaj per gravurajhoj de figuroj de homoj, floroj, pejzaghoj kaj bestoj. La charpentajhoj estas kunligitaj per tenon-juntoj, sed ne najloj.