La Dali-a Baj-nacia Autonoma Subprovinco de Yunnan-provinco estas pli evoluinta ekonomie kaj kulture ol aliaj nacimalplimultaj regionoj en sudokcidenta Chinio. Jam antau 3 mil jaroj baj-oj vivis che Erhai-lago kaj laboris per hakilo kaj tranchilo el shtono kaj besta osto. Iliaj vestoj montras naciajn karakterizajhojn kaj specialan estetikon formighintan dum ilia longa laborado. La baj-oj shtatas blankon kaj rigardas tiun koloron sublima, kaj iliaj vestoj okulfrapas per blanko kun ornamo de kolorbrilaj kaj krochet-broditaj pecoj.

La viraj vestoj estas simplaj kaj la maljunulaj -- helkoloraj, dum la virinaj kaj infanaj -- kolorrichaj. Ghenerale knabinoj portas chemizon blankan au helkoloran kun borderajhoj che la manumoj kaj superveston rughan au lazuran. Ilia pantalono estas blanka au helkolora kaj antautuko -- delikate brodita. Ili reliefigas sian belan figuron per zono kaj charmigas sin per jadaj braceletoj, broditaj shuoj kaj plektitaj haroj ornamitaj per rugha shnureto kaj blanka frangho pendanta che la maldekstra flanko.